Health Tips /  ક્યાંક તમે પણ વજન ઘટાડતા સમયે નથી કરી રહ્યાને આ ભૂલો, ઘટવાની બદલે વધી જશે વજન

• વજન ઘટાડવા માટે ફક્ત ડાઈટિંગ કે કસરત પૂરતી નથી.
• વજન ઘટાડીને સારું સ્વાસ્થ્ય મેળવવા માંગતા હોય તો ભૂલથી પણ ન કરતાં આ અમુક ભૂલો
• ખરાબ આદતોને કારણે તમારો વજન ઘણો વધી શકે છે.

આજકાલ સારું સ્વાસ્થ્ય અને ફિટનેસ એક નવો ટ્રેન્ડ બની ગયો છે, દરેક લોકો સારું સ્વાસ્થ્ય ઈચ્છે અને તેને મેળવવાના ચક્કરમાં અનેક ભૂલો કરી બેસે છે. વજન ઘટાડવાની વાત આવે ત્યારે સૌપ્રથમ વિચાર ડાઈટિંગનો આવે અને એ પછી તનતોડ કસરત કરવાનો. તેમ છતાં પણ ઘણા લોકો તેના નક્કી કરેલ લક્ષ્યને પ્રાપ્ત કરી શકતા નથી. તેની પાછળ ઘણા કારણો છે અને તેમાંથી એક એ છે કે વજન ઘટાડવા માટે ફક્ત ડાઈટિંગ કે કસરત પૂરતી નથી. વજન ઘટાડવા માટે વ્યક્તિએ પોતાની આદતો અને લાઇફસ્ટાઇલને પણ બદલવી પડે છે. જો આ ખાસ વાતનું ધ્યાન નહીં રાખો તો તમારું વજન ઘટવાને બદલે વધવા લાગશે. જો તમે પણ વજન ઘટાડીને સારું સ્વાસ્થ્ય મેળવવા માંગતા હોય તો ભૂલથી પણ ન કરતાં આ અમુક ભૂલો.. 

સવારના ઊઠીને આ ભૂલોન કરવી - 
એવું માનવામાં આવે છે કે દિવસની શરૂઆત સારી તો આખો દિવસ સારી રીતે વીતે છે. આવું જ કઇંક આપણા સ્વાસ્થ્ય માટે પણ લાગુ પડે છે. જો સવારના ઊઠીને શરીરને પૂરતી કસરત અને પૂરતો આહાર મળે તો સ્વાસ્થ્ય પર સારી અસર પડે છે પણ એમાં ઘણી વખત આપણે ભૂલો કરી બેસીએ છીએ અને એ ભૂલોને કારણે આપનું વજન ઘટવાને બદલે વધતું જે છે. ચાલો જાણીએ કઈ છે એ ભૂલો.. 

સવારે નાસ્તો ન કરવો 
ઘણા લોકો વજન ઘટાડવાના ચક્કરમાં ઘણી વખત સવારે નાસ્તો નથી કરતાં. એવું વિચારી લે છે સવારે ભૂખ્યા પેટ રહેવાથી તેમનું વજન ઘટી જશે  પણ બિલકુલ ખોટી માન્યતા છે. સવારે નાસ્તો ન કરવાથી વજન ઘટતો નથી પણ ઊલટાનો વજન વધી જાય છે. સવારે પૂરતા પ્રમાણના શરીરને પ્રોટીન ન મળવાને કારણે આખો દિવસ થાક મહેસુસ થાય છે અને શરીરમાં સોજો આવી જે છે. એટલા માટે જ સવારનો નાસ્તો ખૂબ જ જરૂરી છે.  

સમયસર ન ઊંઘવું 
આજકાલની લાઇફસ્ટાઇલ મુજબ ઘણા લોકોને મોડી રાત સુધી જાગવાની ખરાબ આદત લાગી ગઈ હોય છે અને તેની સીધી અસર આપણા સ્વાસ્થ્ય પર પડે છે. મોડી રાત્રે ઊંઘવાથી સવારે જલ્દી ઉઠી શકાતું નથી, જેને કારણે સવારની કસરત અને નાસ્તો બંને છૂટી જાય છે અને શરીરનો વજન વધવા લાગે છે. 

ખાવા-પીવા પર ધ્યાન ન આપવું 
આપણી ખાવા-પીવાની આદત આપણા સ્વાસ્થ્ય પર સૌથી વધુ અસર પાડે છે. ખાવા-પીવાની આદત પૌષ્ટિક અને હેલ્ધી હોવી જોઈએ પણ જો તમે આવી આદત કેળવવામાં નિષ્ફળ રહ્યા તો એ તમારા સ્વાસ્થ્ય પર ઘણી ખરાબ અસર છોડે છે. ખરાબ આદતોને કારણે તમારો વજન ઘણો વધી શકે છે.