ટેસ્ટ મેચની કોમેન્ટ્રી દરમ્યાન પૂર્વ બેટ્સમેનની અચાનક તબિયત ખરાબ થઈ અને હોસ્પિટલમાં દાખલ કરવા પડ્યા
ઓસ્ટ્રેલિયા ક્રિકેટ જગતથી એક મોટા સમાચાર
પૂર્વ બેટ્સમેન રિકી પોન્ટિંગની તબિયત અચાનક બગડી
રિકી પોન્ટિંગને તાત્કાલિક પર્થની હોસ્પિટલમાં દાખલ કરવામાં આવ્યા
ઓસ્ટ્રેલિયા ક્રિકેટ જગતમાંથી એક મોટા સમાચાર સામે આવ્યા છે. ઓસ્ટ્રેલિયાના પૂર્વ બેટ્સમેન રિકી પોન્ટિંગની તબિયત અચાનક બગડતાં તેને પર્થની હોસ્પિટલમાં દાખલ કરવામાં આવ્યા છે. મીડિયા રિપોર્ટ્સ અનુસાર તે પર્થમાં રમાઈ રહેલી ઓસ્ટ્રેલિયા અને વેસ્ટ ઈન્ડિઝ ટેસ્ટ મેચની કોમેન્ટ્રી કરી રહ્યા હતા ત્યારે તેમની તબિયત ખરાબ થઈ ગઈ હતી.
ઓસ્ટ્રેલિયન અખબાર ડેઈલી ટેલિગ્રાફના અહેવાલ મુજબ પોન્ટિંગના સહયોગીઓએ કહ્યું છે કે, તેમની હાલત સ્થિર છે. તેઓ અસ્વસ્થતા અનુભવતા હતા અને તેથી સાવચેતીભર્યા ચેક-અપ માટે હોસ્પિટલમાં ગયા હતા. અહેવાલો અનુસાર પ્રથમ ટેસ્ટના ત્રીજા દિવસે લંચ સમયની આસપાસ પોન્ટિંગને પર્થની હોસ્પિટલમાં લઈ જવામાં આવ્યા હતા. હવે તે ત્રીજા સેશનમાં કોમેન્ટ્રી કરતો જોવા નહીં મળે.
Former Australia skipper Ricky Ponting taken to hospital after heart scare while commentating during day three of Australia's first test against West Indies at Perth Stadium, reports Reuters.
આ તરફ ચેનલ સેવનના પ્રવક્તાએ ફોક્સ સ્પોર્ટ્સને ટાંકીને જણાવ્યું હતું કે, રિકી પોન્ટિંગની તબિયત ખરાબ છે અને તે આજના બાકીના કવરેજ માટે ટિપ્પણી કરશે નહીં. મીડિયા રિપોર્ટ્સ અનુસાર પોન્ટિંગની હાલત સ્થિર હોવાનું કહેવાય છે. તેમણે પોતે જ તેના સાથીદારોને અસ્વસ્થતા વિશે જણાવ્યું હતું અને કેટલાક લક્ષણો વિશે ચિંતિત થયા પછી તેમણે પરીક્ષણ કરાવવાનું નક્કી કર્યું. પર્થમાં ઓસ્ટ્રેલિયા વિ વેસ્ટ ઈન્ડિઝ ટેસ્ટના ચોથા દિવસે પોન્ટિંગ કોમેન્ટ્રી માટે ઉપલબ્ધ હશે કે કેમ તે અંગે ચેનલ સેવને હજુ સુધી પુષ્ટિ કરી નથી. પોન્ટિંગ IPLમાં દિલ્હી કેપિટલ્સ ટીમના મુખ્ય કોચ પણ છે.
પોન્ટિંગની તબિયત અચાનક બગડવી એ પણ ભયજનક છે. પોન્ટિંગ આ મામલે કોઈ બેદરકારી રાખવા માંગતા ન હતા અને તેમણે હોસ્પિટલ જવાનું નક્કી કર્યું. પોન્ટિંગની ગણના ઓસ્ટ્રેલિયાના શ્રેષ્ઠ સુકાનીઓમાં થાય છે. તેમની કપ્તાની હેઠળ, ઓસ્ટ્રેલિયન ટીમ વનડેમાં બે વખત (2003, 2007) વિશ્વ ચેમ્પિયન બની હતી.
પોન્ટિંગની કારકિર્દી
પોન્ટિંગે તેની આંતરરાષ્ટ્રીય કારકિર્દીમાં 168 ટેસ્ટ, 375 વનડે અને 17 ટી-20 રમી છે. તેના ટેસ્ટમાં 13,378 રન, વનડેમાં 13,704 રન અને ટી20માં 401 રન છે. પોન્ટિંગના નામે ટેસ્ટમાં 41 સદી અને 62 અડધી સદી, વનડેમાં 30 સદી અને 82 અડધી સદી અને T20માં બે અડધી સદી છે. આ સિવાય પોન્ટિંગે ટેસ્ટમાં પાંચ અને વનડેમાં ત્રણ વિકેટ પણ લીધી છે.