IPLIN
 
  • Home
  • Sports
  • Cricket
  • Something like New Zealand vs India's second ODI Playing 11 team, know which players will get a chance!

IND vs NZ 2nd ODI / કંઇક આવી હશે ન્યુઝીલેન્ડ વિરૂદ્ધ ભારતની બીજી વન-ડેની Playing 11 ટીમ, જાણો કયા ધુરંધરોને મળશે ચાન્સ!

Team VTV 10:19 AM, 26 Nov 22 | Updated: 12:44 PM, 26 Nov 22
Follow us
Something like New Zealand vs India's second ODI Playing 11 team, know which players will get a chance!

ઝીલેન્ડમાં ODIની સીરિઝની પહેલી મેચમાં ભારતીય ટીમનું પ્રદર્શન ઘણું ખરાબ રહ્યું હતું. શિખર ધવનની કેપ્ટનશિપમાં ટીમ ઈન્ડિયા વનડેનો પહેલો મેચ હારી ગઈ હતી. 

  • ન્યુઝીલેન્ડ સામેની ODI સીરિઝની બીજી મેચ આવતીકાલે રમાશે
  • શિખર ધવનની કેપ્ટનશિપમાં ટીમ ઈન્ડિયા વનડેનો પહેલો મેચ હારી
  • દીપક ચાહરની થઈ શકે છે ODI ટીમમાં વાપસી 

ભારત અને ન્યુઝીલેન્ડ વચ્ચેની ત્રણ ODI સીરિઝની બીજી મેચ (IND vs NZ 2nd ODI) હેમિલ્ટનના સિડન પાર્ક ખાતે 27 તારીખે સવારે એટલે કે આવતીકાલે રમાશે. આપણે બધા જાણીએ છીએ કે પહેલા વનડેમાં ભારતીય ટીમને 7 વિકેટે હારનો સામનો કરવો પડ્યો હતો. ન્યૂઝીલેન્ડમાં ODIની સીરિઝની પહેલી મેચમાં ભારતીય ટીમનું પ્રદર્શન ઘણું ખરાબ રહ્યું હતું. શિખર ધવનની કેપ્ટનશિપમાં ટીમ ઈન્ડિયા વનડેનો પહેલો મેચ હારી ગઈ હતી. 

ભારતીય બેટ્સમેનોએ શાનદાર પ્રદર્શન કર્યું અને ટીમ 300 પ્લસનો સ્કોર કરવામાં સફળ રહી હતી. ભારતે ન્યૂઝીલેન્ડને જીતવા માટે 307 રનનો ટાર્ગેટ આપ્યો હતો. ટોસ હાર્યા બાદ પ્રથમ બેટિંગ કરતા ભારતે સાત વિકેટે 306 રન બનાવ્યા હતા.ન્યૂઝીલેન્ડ એ આ ટાર્ગેટ 47 ઓવરમાં જ મેળવી લીધો હતો. ભારતીય બેટ્સમેને સારું પ્રદર્શન કર્યું પણ બોલરો લક્ષ્યનો બચાવ કરવામાં નિષ્ફળ રહ્યા હતા. વન ડે સીરિઝની પહેલી મેચમાં વોશિંગ્ટન સુંદર સિવાય ન્યૂઝીલેન્ડના બેટ્સમેનોએ તમામ બોલરો સામે સરળતાથી રન બનાવ્યા હતા. જો કે ઉમરાન મલિકે ચોક્કસપણે બે વિકેટ લીધી હતી પણ તેને ટીમ ઈન્ડિયાણઆ બીજા ઝડપી બોલરોનો સાથ મળ્યો ન હતો. આવી સ્થિતિમાં બીજી મેચમાં કેપ્ટન શિખર ધવન કેટલાક ફેરફાર કરી શકે છે.

દીપક ચાહરની થઈ શકે છે ODI ટીમમાં વાપસી 
જણાવી દઈએ કે ભારત પાસે હાલમાં 5 ફાસ્ટ બોલર છે. જેમાં શાર્દુલ ઠાકુર, ઉમરાન મલિક અને અર્શદીપ સિંહને પહેલી વનડે રમવાની તક મળી હતી. ગઇકાલની એ મેચમાં અર્શદીપે 8 ઓવરમાં 68 રન અને શાર્દુલે 9 ઓવરમાં 63 રન આપ્યા હતા. એવામાં હાલ કેપ્ટન ધવન ટીમનાસિનિયર બોલર દીપક ચાહરની એન્ટ્રી કરવી શકે છે. ચહર પણ શાર્દુલ ઠાકુરની જેમ બોલિંગ કરતી વખતે બેટિંગ કરવામાં સક્ષમ છે. ચાહર એક શાનદાર સ્વિંગ બોલર છે આ માટે તેને બીજી વનડેમાં તક મળી શકે છે.

કુલદીપ સેન કરી શકે છે ડેબ્યૂ 
આ સાથે જ ફાસ્ટ બોલર કુલદીપ સેન ભારત તરફથી ડેબ્યૂ કરી શકે છે. જણાવી દઈએ કે કુલદીપ પણ 140 કિમી પ્રતિ કલાકની ઝડપે સતત બોલિંગ કરી શકે છે. IPLમાં રાજસ્થાન રોયલ્સ માટે કુલદીપણઆ શાનદાર પ્રદર્શને સિલેક્ટર્સને ઘણા પ્રભાવિત કર્યા હતા અનેપછી દુબઈમાં યોજાયેલા એશિયા કપના નેટ બોલર તરીકે કુલદીપની પસંદગી કરવામાં આવી હતી. જણાવી દઈએ કે મધ્યપ્રદેશના રીવાના રહેવાસી આ બોલરને ફરીથી ઈન્ડિયા A ટીમમાં પસંદ કરવામાં આવ્યો હતો અને કુલદીપ ઈરાનીની ટ્રોફી માટે રેસ્ટ ઓફ ઈન્ડિયા ટીમમાં પસંદગી કરવામાં આવી હતી. આ સાથે જ તેને સૌરાષ્ટ્ર સામે ફાઇનલમાં 8 વિકેટ લઈને ટીમ ઈન્ડિયા માટે પોતાનું સ્થાન નિશ્ચિત કર્યું હતું.

ભારતની સંભવિત પ્લેઈંગ 11: શિખર ધવન (કેપ્ટન), શુભમન ગિલ, શ્રેયસ ઐયર, સૂર્યકુમાર યાદવ, ઋષભ પંત (વિકેટકીપર), સંજુ સેમસન, વોશિંગ્ટન સુંદર, દીપક ચહર, ઉમરાન મલિક, અર્શદીપ સિંહ અને કુલદીપ સેન.

ન્યુઝીલેન્ડની સંભવિત પ્લેઈંગ 11:  ફિન એલન, ડેવોન કોનવે, કેન વિલિયમસન (કેપ્ટન), ટોમ લાથમ (વિકેટકીપર), ડેરીલ મિશેલ, ગ્લેન ફિલિપ્સ, મિશેલ સેન્ટનર, એડમ મિલ્ને, મેટ હેનરી, ટિમ સાઉથી, લોકી ફર્ગ્યુસન.

શિખર ધવન ODI કુલદીપ સેન દીપક ચાહર ind vs nz
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ