બોલિવૂડના ભાઇજાન સલમાન ખાનની હત્યા માટે મુંબઇમાં રેકી કરનાર એક શખ્સને ક્રાઇમબ્રાન્ચે દબોચી લીધો છે. ગેંગસ્ટર લોરેન્સ બિશ્નોઇએ આ રેકી કરાવી હતી. ભિવાનીનો રહેવાસી રાહુલ બિશ્નોઇ ગેંગનો માણસ છે.
સલમાનની રેકી કરતો શખ્સ ઝડપાયો
બિશ્નોઇ ગેંગનો હતા આ શખ્સ
સલમાનને મારવાના ઇરાદે કરતો હતો રેકી
પોલિસે જણાવ્યું કે, રાહુલ અલગ અલગ એમ ચાર હત્યાઓને અંજામ આપી ચૂક્યો છે. તેણે ઓગસ્ટ 2019માં જજ્જરમાં એક વ્યક્તિની હત્યા કરી દીધી હતી. લોરેન્સ બિશ્નોઇના કહેવા પર ડિસેમ્બર 2019માં પંજાબના મનોટમાં હત્યાની ઘટના રાહુલ સંડોવાયેલો હતો. બસ આ જ રીતે રાહુલે 2020માં પણ એક શખ્સની હત્યાને અંજામ આપ્યો હતો.
પોલિસના જણાવ્યા અનુસાર, 24 જૂન 2020માં ફરીદાબાદમાં રાહુલે હત્યા કરી છે. રેકીની વાત ત્યારે સામે આવી જ્યારે સલમાન તેની આગામી ફિલ્મ કિક-2 અને બિગબોસને લઇને ચર્ચામાં છે. કોરોનાને લઇને બિગબોસમાં ક્યા લોકો પાર્ટીસિપેટ કરશે તેને લઇને હજૂ પણ ચર્ચા છે.
બોલિવૂડમાં હાલ તો સુશાંત સિંહ રાજપૂત આત્મહત્યા કેસના લીધે ખળભળાટ મચી ગયો છે. જેમાં સલમાન ખાન, આલિયા ભટ્ટ, મહેશ ભટ્ટ જેવી સેલિબ્રિટીઝ પર પણ સુશાંતની હત્યાનો આરોપ લાગ્યો છે.