ઉત્તરપ્રદેશ / લ્યો બોલો!: યુપીના લખીમપુર ખીરીમાં EVM પર કોઈએ ફેવીક્વીક નાખી દીધી, સપાને મત ન પડવાની ફરિયાદના કારણે મતદાન રોકવું પડ્યું

• લખીમપુર ખીરીમાં ઈવીએમ પર ફેવીક્વીકર નાખી દીધી 
• દોઢ કલાક સુધી મતદાન રોકી રાખવામાં આવ્યા 
• મત આપવા આવેલા લોકો થયા હેરાન પરેશાન 

ઉત્તરપ્રદેશમાં આજે ચોથા ચરણનું વોટિગ કરવામાં આવી રહ્યું છે. ત્યારે આ સમયે લખીમપુર ખીરીમાં વોટીંગ બૂથ પર EVM સાથે છેડછાડનો મામલો સામે આવ્યો છે. અહીયા અમુક અસમાજિક તત્વો દ્વારા EVM મશીન પર ફેવીક્વીક લગાવી દેવામાં આવ્યુ. જેના કારણે દોઠ કલાક સુધી મતદાન રોકવામાં આવ્યું હતું. 

ચૂંટણી પંચને ફરિયાદ કરવામાં આવી 

સમાજવાદી પાર્ટીના પૂર્વ ધારાસભ્યએ આ મામલે કહ્યું કોઈ અસામાજિક તત્વો દ્વારા આ કૃત્ય કરવામાં આવ્યું હતું. જેના કારણે બટન નહોતું દબાઈ રહ્યું. જેથી આ મામલે તુરંત ફરિયાદ કરવામાં આવી ત્યારે ચૂંટણી પંચ હરકતમાં આવ્યું. જોકે આ બધા વચ્ચે અંદાજે દોઢ કલાક સુધી વોટિંગ રોકી દેવામાં આવ્યું હતું. 

2 કલાક સુધી લોકો લાઈનમાં ઉભા રહ્યા 

સંમગ્ર મામલે જેણે પણ આ કૃત્ય કર્યું છે તેની સામે કાર્યવાહી કરવાની માગ કરવામાં આવી છે. સાથેજ સીસીટીવીથી તેને શોધવાની માગ કરવામાં આવી છે. પોલીંગ બૂથ પર ઉભેલા વોટરોનું કહેવું છે કે અમે લોકો રાહ જોઈ રહ્યા હતા તે સમયે સામે આવ્યું કે પોલીંગ બૂથ પર કોઈએ ફેવીક્વિક લગાવી હતી. જેથી બટન નહોતું દબાઈ રહ્યું પરિણામે અમે 2 કલાક સુધી ઉભા રહ્યા હતા. 

ભાજપે ગત વર્ષે લખીમપુર ખીરીમાં બાજી મારી હતી 

ઉલ્લેખનીય છે કે લખીમપુર ખીરીની 8 સીટો પર આજે વોટ નાખવામાં આવી રહ્યા છે. અહીયા ગત વર્ષે ભાજપે બાજી મારી હતી. પરંતુ આ વર્ષે અહિયા જે હિંસા થઈ હતી તેમા 8 લોકોના મોત થયા હતા. જેથી તે મુદ્દે અહીયાનું વાતાવરણ ઘણું ગરમાયું હતું.