સ્ટાન્ડર્ડ ડ્રગ્સ સ્ટાન્ડર્ડ કંટ્રોલ્સ ઓર્ગેનાઇઝેશન (સીડીએસસીઓ) નોન પ્રિસ્ક્રિપ્શન દવાઓ માટે યોગ્ય સાઇઝ ધરાવતા યુનિટ ડોઝ પેકેજિંગ શરૂ કરવાની દરખાસ્ત પર વિચારણા કરી રહ્યું છે. હવે ટૂંક સમયમાં કરિયાણાની દુકાનો અને સ્ટોરને કેટલીક દવાઓ વેચવાની મંજૂરી મળશે.
કરિયાણાની દુકાનો હવે શરદી, ઉધરસ અને ફ્લૂ જેવી સાધારણ બીમારીઓની દવાઓ વેચી શકશે
નિષ્ણાતોએ પ્રિસ્ક્રિપ્શન વગર વેચી શકાય એવી દવાઓ માટે અલગ પેકેજિંગ રાખવા સૂચન કર્યું છે
હવે ટૂંક સમયમાં કરિયાણાની દુકાનો અને સ્ટોરને કેટલીક દવાઓ વેચવાની મંજૂરી મળશે. કરિયાણાની દુકાનો હવે શરદી, ઉધરસ અને ફ્લૂ જેવી સાધારણ બીમારીઓની દવાઓ વેચી શકશે. સ્ટાન્ડર્ડ ડ્રગ્સ સ્ટાન્ડર્ડ કંટ્રોલ્સ ઓર્ગેનાઇઝેશન (સીડીએસસીઓ) નોન પ્રિસ્ક્રિપ્શન દવાઓ માટે યોગ્ય સાઇઝ ધરાવતા યુનિટ ડોઝ પેકેજિંગ શરૂ કરવાની દરખાસ્ત પર વિચારણા કરી રહ્યું છે. તેનાથી દવાઓના ખોટા કે વધુ ઉપયોગની આશંકા દૂર થઇ શકશે. દેશમાં ઓવર ધ કાઉન્ડર (ઓટીસી) દવાઓ પર રચવામાં આવેલી નિષ્ણાતોની એક પેટા સમિતિએ પર્યાપ્ત લેબલિંગનું સૂચન કર્યું છે, જેનાથી ગ્રાહકો સ્વયં દવાની પસંદગી કરી શકશે.
નિષ્ણાતોએ પ્રિસ્ક્રિપ્શન વગર વેચી શકાય એવી દવાઓ માટે અલગ પેકેજિંગ રાખવા સૂચન કર્યું છે. ઓટીસી દવાઓ માટે બે અલગ અલગ કેટેગરી બનાવવામાં આવશે. તેમાંથી એક કેટેગરીની દવાઓ રિટેલ આઉટલેટ પર વેચી શકાશે અને બીજી કેટેગરીની દવાઓ રજિસ્ટર્ડ ફાર્માસિસ્ટને ત્યાંથી મળી શકશે. લેબલિંગને લઇને જે સૂચન કરાયું છે તે માન્ય રાખવામાં આવશે તો તમામ ઓટીસી દવાઓનું જેનરિક નામ, ફોર્મ્યુલેશનનું બ્રાન્ડ નામ, કમ્પોઝિશન, પેકમાં ડોઝની સંખ્યા જેવી જાણકારી આપવી પડશે.
ફાર્મા ઇન્ડસ્ટ્રીએ આ દરખાસ્તને આવકારી છે. મેનકાઇન્ડ ફાર્માના ચેરમેન આર.સી. જુનેજાએ જણાવ્યું હતું કે જો તેનો યોગ્ય રીતે અમલ કરાય તો તે એક સારું પગલું રહેશે. તેનાથી વધુ દવા લેવાની સમસ્યા દૂર થઇ જશે. દેશમાં ઓટીસી માર્કેટ નવ ટકાના સીએજીઆરથી વધીને ૨૦૨૬ સુધીમાં ૬.૫ અબજ ડોલર સુધી પહોંચવાનું અનુમાન છે. ફિઝિશિયનો, ક્લિનિકલ સ્પેશિયાલિસ્ટ, ફાર્માકોલોજિસ્ટ અને ફાર્માસિસ્ટ જેવા નિષ્ણાતો હવે દરેક ફોર્મ્યુલેશનની તપાસ કરીને તેને ઓટીસી કેટેગરીમાં રાખવાની ભલામણ કરી શકે છે.