રોજીંદા જીવનની અમુક આદતો આપણા મગજને ઘણું નુકસાન પહોંચાડતી હોય છે, જેને કારણે બ્રેન ડેમેજ થવાની સંભાવના પણ વધી જાય છે. જાણો કઈ કઈ છે આ આદતો
ખરાબ લાઈફસ્ટાઈલથી મગજ થઇ શકે છે ડેમેજ
નમકનાં વધારે પડતા સેવનથી પણ વધી શકે છે ખતરો
ઊંઘ પણ મગજની હેલ્થ માટે જરૂરી
આજકાલની ખરાબ લાઈફસ્ટાઈલની આપણા સ્વાસ્થ્ય પર ઘણી ખરાબ અસર પડે છે. ભાગદોડ ભરેલા જીવનમાં આપણને સ્વાસ્થ્ય અને મનની શાંતિ વિષે વિચારવાનો સમય જ મળી શકતો નથી. આવામાં રોજીંદા જીવનની જ અમુક આદતો એવી હોય છે, જેથી આપણા સ્વાસ્થ્ય પર તો ખરાબ અસર પડે જ છે, પણ સાથે જ આપણા મગજને પણ ખરાબ પરિણામો ભોગવવા પડે છે.
આજકાલ સ્વાસ્થ્યની વાત તો આસપાસ બધે જ થતી રહે છે, પરંતુ કોઈ તમારા મગજની હેલ્થની વાત કરતુ નથી. આજકાલનાં ભાગદોડ ભરેલા જીવનમાં તમારું મગજ ખૂબ જ પ્રેશર સહન કરે છે. આવામાં પોતાની અમુક ખરાબ આદતોથી બ્રેન ડેમેજ થવાની પણ સંભાવના રહે છે. જાણો કઈ કઈ એવી આદતો છે, જેનાથી બ્રેન ડેમેજ થાય છે.
પુરતી ઊંઘ ન લેવી
સારી ઊંઘ ન લેવાથી શરીરને થાક લાગે છે, પરંતુ તેનાંથી ઘણી વધારે અસર તમારા મગજનાં મિકેનીઝમ પર પડે છે. વારંવાર ઊંઘ પૂરી ન થવાથી તમારા મગજની સાથે સાથે મેમરી પણ પણ અસર પડે છે.
વધારે નમકનું સેવન
વધારે નમકનું સેવન હાઈ બ્લડ પ્રેશરનું કારણ બને છે, જેને કારણે સ્ટ્રોક થવાની સંભાવના વધી જાય છે. સ્ટ્રોક થવાની સંભાવનાનો અર્થ છે બ્રેન ડેમેજનાં વધારે ચાન્સ. આ ઉપરાંત, તમારે ધ્વનિ પ્રદુષણથી પણ બચવાની કોશિશ કરવી જોઈએ. કાનમાં વધારે પડતો અવાજ પહોંચવાથી તમારા મગજ પર અસર પડે છે.
એકલતાનો શિકાર
તમારી પાસે કોઈ એવું હોવું જોઈએ જેની સાથે તમે તમારી બધી તકલીફો શેર કરી શકો. પોતાની અંદર બધી જ બાબતો રાખવાથી તમને સ્ટ્રેસ પડી શકે છે. જો તમે તમારો સ્ટ્રેસ કોઈ સાથે શેર કરી રિલીઝ કરી શકો છો, તો તમારું મગજ શાંત અને રીલેક્સ રહી શકશે.