PM મોદી મત આપ્યા બાદ પોતાના મોટાભાઈ સોમાભાઇ મોદીના ઘરે આશીર્વાદ લેવા પહોંચ્યા હતા, જ્યાં સોમાભાઇ મોદીએ વડાપ્રધાન નરેન્દ્ર મોદીને કહ્યું કે......
PM મોદી પોતાના મોટાભાઈ સોમાભાઇ મોદીના ઘરે આશીર્વાદ લેવા પહોંચ્યા
વડાપ્રધાન નરેન્દ્ર મોદી વિશે વાત કરતાં ભાવુક થઈ ગયા સોમાભાઈ મોદી
તમે ખૂબ જ મહેનત કરો છો દેશ માટે.... થોડો આરામ પણ કરો: સોમાભાઈ મોદી
ગુજરાતમાં આજે બીજા તબક્કાના મતદાન દરમ્યાન PM મોદી મત આપ્યા બાદ પોતાના મોટાભાઈ સોમાભાઇ મોદીના ઘરે આશીર્વાદ લેવા પહોંચ્યા હતા. જે બાદમાં સોમાભાઈ મોદી PM વિશે વાત કરતાં ભાવુક થઈ ગયા હતા. તેમણે ભાવુક થતાં કહ્યું હતું કે, તમે ખૂબ જ મહેનત કરો છો દેશ માટે.... થોડો આરામ પણ કરો.
શું કહ્યું સોમાભાઇ મોદીએ ?
વડાપ્રધાન નરેન્દ્ર મોદીના મોટાભાઈ સોમાભાઇ મોદીએ કહ્યું હતું કે, મારો મતદાતાઓને એક સંદેશ છે કે, પોતાના મતનો સાચો ઉપયોગ કરવામાં આવે. દેશનો વિકાસ થાય તેવી પાર્ટીને વોટ આપવો જોઈએ. એવા લોકોને પસંદ કરવામાં આવે. આ સાથે તેમણે જણાવ્યું હતું કે, ગુજરાતમાં સારું મતદાન ચાલી રહ્યું છે. તેમણે ઉમેર્યું હતું કે, 2014થી રાષ્ટ્રીય લેવલે ડેવલપમેન્ટ થયા તે લોકો જોવે છે, નજરઅંદાજ નથી કરતાં. અને એના આધાર પર જ વોટિંગ થઈ રહ્યું છે.
ભાવુક થયા સોમાભાઇ મોદી
આ તરફ આજે જ્યારે પ્રધાનમંત્રી મોદી તેમના મોટાભાઈના આશીર્વાદ લેવા પહોંચ્યા હતા. જે બાબતે સોમાભાઇ મોદીને પૂછતાં તેઓએ ભાવુક થતાં કહ્યું હતું કે, તમે ખૂબ જ મહેનત કરો છો દેશ માટે.... થોડો આરામ પણ કરો. તેમણે કહ્યું હતું કે, 2014 પછી કેન્દ્રએ જે પ્રકારનું કામ કર્યું છે તેને લોકો અવગણી શકે નહીં. મેં તેમને (PM મોદી) પૂછ્યું કે, તેઓ દેશ માટે ઘણું કામ કરે છે, તેમણે થોડો આરામ પણ લેવો જોઈએ.
#WATCH | PM Modi's brother Somabhai Modi gets emotional as he talks about PM who visited him earlier today
People cannot ignore the kind of work Centre has done after 2014. I asked him (PM Modi) that he works a lot for the country, he should take some rest as well: Somabhai Modi pic.twitter.com/3SrGMj6A6O
મહત્વનું છે કે, આજે મધ્ય ગુજરાત અને ઉત્તર ગુજરાતની 93 બેઠકો પર સવારના 8 વાગ્યાથી મતદાન પ્રક્રિયા શરૂ થઈ ગઈ છે. રાજ્યના 14 જિલ્લાના 26 હજાર 409 મતદાન મથકો પર મતદાન શરૂ થયું છે. જેમાં 8,533 શહેરી મતદાન મથકો અને 17 હજાર 876 ગ્રામ્ય વિસ્તારના મતદાન મથકોનો સમાવેશ થાય છે. આજે 14 જિલ્લાના 2 કરોડ 51 લાખ 58 હજાર 730 મતદારો પોતાના મત્તાધિકારનો ઉપયોગ કરશે. બીજા તબક્કાની 93 બેઠકો પર કુલ 833 ઉમેદવારો મેદાનમાં છે. બીજા તબક્કામાં મુખ્યમંત્રી, 8 મંત્રી અને 60 સિટીંગ ધારાસભ્યો સહિત ભાજપ, કોંગ્રેસ-NCP અને આપના 279 ઉમેદવારો સહિત કુલ 833 ઉમેદવારોનું ભાવિ EVMમાં સીલ થશે. આગામી 8મી ડિસેમ્બરના રોજ મતગણતરી હાથ ધરવામાં આવશે.