ઉત્પાદન / મંદી-મંદી બંધ કરી દેજો, આ આંકડાથી અર્થતંત્રમાં તેજીના અણસાર જોવા મળી રહ્યો છે

• દેશમાં ઉત્પાદન ક્ષેત્રની ગતિવિધિઓમાં સુધારો
• કારખાનાઓએ માંગમાં સુધારાનો લાભ ઉઠાવ્યો
• સતત 29માં મહિને વિકાસ ક્ષેત્રના PMI 50થી ઉપર

વૈશ્વિક સ્તરે વધુ માંગથી કુલ વેચાણ વધ્યુ

માસિક સર્વેક્ષણ અનુસાર, જુલાઈ બાદ નવા વેપાર ઓર્ડર સૌથી વધુ ઝડપથી વધી રહ્યા છે અને નવા વેપાર ઓર્ડર ઉત્પાદન ક્ષેત્રની હાલતમાં સુધારો દર્શાવે છે. એટલું જ નહીં, વૈશ્વિક સ્તરે વધુ માંગથી કુલ વેચાણ વધ્યું છે. સતત 26માં મહિને નવા નિકાસ ઓર્ડર વધ્યા છે.

કારખાનાઓએ માંગમાં સુધારાનો લાભ ઉઠાવ્યો

આ સંદર્ભે IHS માર્કેના મુખ્ય અર્થશાસ્ત્રી પોલિયાના ડી લીમાએ કહ્યું કે, કારખાનાઓની માંગમાં સુધારના લાભ ઉઠાવ્યો અને મે મહિના બાદ સૌથી વધુ ઝડપથી ઉત્પાદન વધ્યું છે. સાથે જ ડિસેમ્બરમાં રોજગાર અને ખરીદના મોર્ચે પણ નવેસરથી વધારો થયો છે. વધુમાં લીમાએ જણાવ્યું કે સર્વેક્ષણમાં વેપાર વિશ્વાસના મોર્ચે કેટલીક સતર્કતા દેખાડવામાં આવી છે.

સતત 29માં મહિને વિકાસ ક્ષેત્રના PMI 50થી ઉપર

જણાવી દઇએ કે સતત 29માં મહિને ઉત્પાદન ક્ષેત્રના PMI 50 અંકથી ઉપર છે. PMIના 50થી ઉપર થવાનો વિસ્તાર સંકેત આપે છે. ત્યારે 50થી નીચેના સ્તરે સંકોચન દર્શાવે છે.

સર્વેક્ષણ અનુસાર, વર્ષ 2020માં ઉત્પાદનમાં વધારાની આશા છે. જોકે કંપનીઓની આગળ બજારને લઇને આત્મવિસ્વાસનું સ્તર નબળું થઇને 34 મહિનાના નિચેના સ્તરે છે. મોંઘવારીના દર 13 મહિનાના ઉચ્ચ સ્તર પર પહોંચી ગઇ છે.