પૂર્વ કોંગ્રેસ અધ્યક્ષ રાહુલ ગાંધીએ દેશની પ્રતિ વ્યક્તિ સકલ ઘરેલુ ઉત્પાદ (per capita gross domestic product) ની ધીમી ગતિ પર નિશાન તાક્યું અને કહ્યું કે આ 6 વર્ષના નફરતભર્યાં સાંસ્કૃતિક રાષ્ટ્રવાદની ઠોસ ઉપલબ્ધિ છે કે આપણું પાડોસી દેશ બાંગ્લાદેશ આ મામલે આપણા કરતાં ઘણું આગળ નિકળવાની તૈયારીમાં છે.
રાહુલ ગાંધીએ એક ખબરનું ગ્રાફિક્સ પ્લેટ ટ્વિટ દ્વારા જણાવ્યું કે, ભાજપના નફરત ભર્યાં સાંસ્કૃતિક રાષ્ટ્રવાદની 6 વર્ષની ઠોસ ઉપલબ્ધિઃ બાંગ્લાદેશ ભારતથી આગળ નિકળવાની તૈયારીમાં...
Solid achievement of 6 years of BJP’s hate-filled cultural nationalism:
ઉલ્લેનીય છે કે આ કેલેંડર વર્ષમાં બાંગ્લાદેશ પ્રતિ વ્યક્તિ સકલ ઘરેલૂ ઉત્પાદ (GDP) ના મામલામાં ભારતને પછાડવા માટે તૈયાર છે. તેનું મુખ્ય કારણ કોવિડ-19 અને લોકડાઉનના કારણે ભારતીય અર્થવ્યવસ્થામાં આવ્યું મોટુ સંકોચન છે.
આંતરરાષ્ટ્રીય મુદ્રો કોષ (IMF) - વર્લ્ડ ઇકોનોમિક આઉટલૂક (WEO) ના જણાવ્યાં મુજબ વર્ષ 2020માં બાંગ્લાદેશની પ્રતિ વ્યક્તિ જીડીપી 4 ટકા વધીને 1,888 ડોલર થવાની આશા છે, જ્યારે ભારતની પ્રતિ વ્યક્તિ જીડીપી 10.5 ટકાથી ઘટીને 1,877 ડોલર રહેવાની આશા છે, જે ગત ચાર વર્ષમાં સૌથી ઓછી છે.