વડોદરા / ભારે વરસાદ બાદ ચીન બોર્ડર પર તૈનાત સેનાના જવાનનો પરિવાર પાણીમાં ફસાયો

વડોદરામાં બુધવારે વરસેલા ભારે વરસાદમાં સેનાના જવાનના પરિવારજનો ફસાયા. ચીન બોર્ડર પર તૈનાત જવાનના પરિવારજન મુશ્કેલીમાં મુકાયા હતા. ત્યારે વીટીવીની ટીમે જવાનના પરિવારની મદદે પહોંચ્યુ.. જવાનના માતા પદ્માબેને મદદ માટે વીટીવીનો સંપર્ક કર્યો હતો. ત્યારે વીટીવીની ટીમ સિદ્ધાર્થનગરમાં પહોંચી હતી... છેલ્લા 3 દિવસથી જવાનના પરિવારજનોને હાલાકી થઈ રહી છે.. એક તરફ જવાન દેશની બોર્ડર પર તૈનાત છે. તો બીજી તરફ તેના પરિવારની પણ સંભાણ કરવામાં આવતી નથી. દીકરો દેશની સુરક્ષા માટે ચીનની બોર્ડર પર તૈનાત છે.. ત્યારે જવાનની માતાને પાણીમાં રહેવાનો વારો આવ્યો. શહેરના તમામ વિસ્તારોમાં મદદ પહોંચાડી હોવાના તંત્ર દ્વારા દાવા કરવામાં આવ્યા છે. જોકે સરકારના આ દાવા પોકળ સાબિત થયા છે.. સેનાના જવાનના પરિવારજનોને પણ તંત્ર મદદ પહોંચાડી શકતુ નથી. જેને લઈને પરિવારને હાલાકી ભોગવવી પડી રહી છે..