તાપી / LRDની ટ્રેનિંગ દરમિયાન જવાનનું ગ્રાઉન્ડ પર મોત થતા ખળભળાટ, મોતનું કારણ જાણવા મૃતદેહને પીએમ અર્થે ખસેડાયો

• LRD ટ્રેનિંગ દરમિયાન જવાનનું મોત 
• ગ્રાઉન્ડ પર ટ્રેનિંગ સમયે યુવકનું મોત થયું 
• વ્યારાના પોલીસ ટ્રેનિંગ સેન્ટરનો બનાવ 

LRDની  પરિક્ષા માટે યુવાનો રાત દિવસ મહેનત કરતા હોય છે. ત્યારે તેઓ પરિક્ષા પાસ કરી છે. પરિક્ષા પાસ કર્યા બાદ તેમને ટ્રેનિંગ આપવામાં આવતી હોય છે. જોકે આ બધા વચ્ચે તાપી જિલ્લામાં એક દુ:ખદ ઘટના બની છે. કારણકે અહીયા ટ્રેનિંગ દરમિયાન જ એક GRD જવાનનું મોત થયું છે. 

પોલીસ ટ્રેનિંગ સેન્ટરમાં જવાનનું મોત 

જે જવાનનું મોત થયું છે તે LRDની ટ્રેનિંગ લેવા આવ્યો હતો. જેમા જ્યારે તેનું મોત થયું ત્યારે તે ગ્રાઉન્ડ પર હાજર હતો. તાપીના વ્યારા ખાતે પોલીસ ટ્રેનિંગ સેન્ટર ખાતે જવાનનું મોત થયું છે. ટ્રેનિંગ વખતેજ જવાનનું મોત થવાને કારણે લોકો વિચારમાં મુકાઈ ગયા છે. સાથેજ લોકોના મનમાં એજ પ્રશ્ન છે કે જવાનનનું મોત કેવી રીતે થયું . 

મૃતક સોનગઢનો રહેવાસી 

મૃતક યુવક સોનગઢના ડોસવાડા ગામનો રહેવાસી હોવાનું સામે આવ્યું છે. સાથેજ તેનુ નામ મેહુલ ગામીત હોવાનું સામે આવ્યું છે. ટ્રેનિંગ ચાલતી હતી તે સમયે યુવકનું મોત થયું છે. જેથી સમગ્ર મામલે હાલ તો યુવકના મૃતદેહને સિવિલ હોસ્પિટલ ખસેડવામાં આવ્યો છે. જ્યા તેના મૃતદેહનું પીએમ કરવામાં આવશે. 

પીએમ બાદ મોતનું સાચુ કારણ જાણી શકાશે 

ઉલ્લેખનીય છે કે ટ્રેનિંગ સમયેજ જવાનનું મોત થવાને કારણે ઘણા સવાલો ઉઠ્યા છે. હાલ તો જોકે યુવકના મૃતદેહને પીએમ અર્થે ખસેડવામાં આવ્યો છે. જેથી મૃતદેહનું પીએમ થયા બાદ હવે જવાનના મોતનું સાચું કારણ લોકોને ખબર પડશે