પ્રધાનમંત્રી નરેન્દ્ર મોદીના અભિયાન મેક ઇન ઇન્ડિયાને તગડો ઝટકો લાગ્યો છે. ભારતમાં વધી રહેલ સોલાર પાવરની ડિમાન્ડની વચ્ચે 85 ટકા સામાન ચીન, મલેશિયા, વિયેતનામથી આયાત કરવામાં આવ્યો છે. પીએમ મોદીના અભિયાન પર લાગેલી બ્રેકનો અંદાજ એ વાત પરથી લગાવી શકાય છે કે નાણાકીય વર્ષ 2014 બાદ સોલાર ફોટોવોલ્ટિક (PV) સેલ અને મૉડ્યલની આયાતની કિંમત 90,000 કરોડ રૂપિયા સુધી વધી ગઇ છે.
સોલર પાવર પ્લાન્ટના સામાનને કરવો પડે છે આયાત
સામાન ચીન, મલેશિયા, વિયેતનામથી આવ્યો
પીએમ મોદીના મેક ઇન્ડિયા અભિયાનને ઝટકો
PV સેલ અને મૉડ્યૂલ આયાત કરવા પર ખર્ચ કરાયેલ રકમ લગભગ 4.83 બિલિયન ડોલર છે. જે દરેક વિદેશી રોકાણ (FDI) કરતાં લગભગ ત્રણ ગણી વધારે છે. એટલું જ નહીં આ રકમ નાણાકીય વર્ષ 2014 થી 2019 સુધી સરકાર દ્વારા નવીનીકરણ એનર્જી ક્ષેત્ર માટે ફાળવેલ બજેટની રકમ કરતાં 6 ગણી વધારે છે.
સરકાર દ્વારા છેલ્લા 24 મહીનામાં સૌર ઉપકરણો અને સામગ્રીની ગુણવત્તા પર ઉઠવામાં આવેલા સવાલ છતા આટલા મોટા સ્તર પર આયાત કરવામાં આવેલ છે. એક મીડિયા દ્વારા આ વિષયમાં નવીન અને નવીનીકરણ ઉર્જા મંત્રાલય (MNRE) ના સચિવને મોકલવામાં આવેલા સવાલ પર કોઇ જવાબ આપવામાં આવ્યો નહીં.
ઉલ્લેખનીય છે કે સરકારનો માર્ચ 2022 સુધીમાં 175 ગીગાવૉટ સ્થાપિત સ્વચ્છ ઉર્જા ક્ષમતાનું લક્ષ્ય છે, જેમાં 100 ગીગાવૉટ સોલર થવાની આશા છે. સેન્ટ્રલ પાવર ઓફ ઓથોરિટીના આંકડા અનુસાર છેલ્લા 5 વર્ષમાં સૌર ઉર્જાએ પોતાની સ્થાપિત ક્ષમતાને 12 ગણી કરતાં વધારે 31 ગીગાવૉટ સુધી વધારી છે.
ભારતે સોલર પીવી સેલ માટે 3 જીડબ્લ્યુ (ગીગા વોટ, અથવા 3000 મેગા વોટ) ઉત્પાદન ક્ષમતાનું સ્થાપન કર્યું છે.