ડિસેમ્બર મહિનામાં આવતીકાલે 14 ડિસેમ્બરે સૂર્યગ્રહણ યોજાવવા જઈ રહ્યું છે. 5 કલાક સુધી ચાલનારું આ વર્ષનું અંતિમ સૂર્યગ્રહણ રહેશે. આ સૂર્યગ્રહણનો પ્રભાવ દરેક રાશિઓ પર પણ પડશે. તો જાણો ક્યાં દેખાશે સૂર્યગ્રહણ અને કેવી રહેશે તેની અસર.
વર્ષનું અંતિમ સૂર્યગ્રહણ
આવતીકાલે 14 ડિસેમ્બરે યોજાશે સૂર્યગ્રહણ
જાણો ક્યાં દેખાશે સૂર્યગ્રહણ અને કેવી રહેશે અસર
આવતીકાલે યોજાશે સૂર્યગ્રહણ
વર્ષનું છેલ્લું સૂર્યગ્રહણ આવતીકાલે એટલે કે 14 ડિસેમ્બર 2020ના રોજ થશે. સૂર્યગ્રહણ ભારતમાં સાંજે 7 વાગીને 3 મિનિટે શરૂ થશે. આ ગ્રહણ 15 ડિસેમ્બરે મધરાતે 12 વાગીને 23 મિનિટે સમાપ્ત થશે. પંચાંગ અનુસાર સૂર્યગ્રહણ લગભગ 5 કલાક ચાલશે.
આ દેશોમાં દેખાશે સૂર્યગ્રહણ
સૂર્યગ્રહણ ખાસ કરીને દક્ષિણ અમેરિકા, સાઉથ આફ્રિકા અને પ્રશાંત મહાસાગરના કેટલાક ભાગોમાં દેખાશે. 14-15 ડિસેમ્બરે લાગનારું આ ગ્રહણ ખંડગ્રાસ સૂર્યગ્રહણ હશે અને તે ભારતમાં પણ દેખાશે.
સૂતક પણ લાગશે
સૂર્યગ્રહણમાં સૂતક કાળ માન્ય રહેશે. સૂર્યગ્રહણના 12 કલાક પહેલાં સૂતક કાળ શરૂ થશે. તેમાં કોઈ પણ શુભ કાર્ય કરી શકાશે નહીં. આ સિવાય નાના બાળકો અને ગર્ભવતી મહિલાઓએ ખાસ સાવધાની રાખવાની રહેશે. સૂતક કાળમાં ભગવાનનું સ્મરણ કરવું જેથી અણધારી મુશ્કેલીઓને ટાળી શકાય.