ખુદ હોસ્પિટલમાં જ તંદુરસ્તીની દરકાર ન લેવાય તો? આવી જ એક ઘટના સામે આવી છે.
સોલા સિવિલ હોસ્પિટલના કોરોના વોરિયર્સમાં રોષ
કોરોના વોરિયર્સે સ્વચ્છ પાણી માટે શરૂ કરી લડાઇ
પ્રદૂષિત પાણી આવતું હોવાની ડોક્ટર્સની ફરિયાદ
કોરોનાની મહામારીમાં જીવના જોખમે સતત કોવિડના દર્દીની સેવા કરનાર ડોક્ટર્સ સહિતના સ્ટાફને જો હોસ્પિટલમાં પીવાનું પાણી પણ શુદ્ધ ન મળે તો આ પરિસ્થિતિને શુ કહેશો?. જી હા, અમદાવાદ સોલા સિવિલમાં સ્ટાફને પીવાનું પ્રદૂષિત પાણી મળી રહ્યું છે. આરોગ્ય કર્મી બહારથી પીવાનું પાણી લાવવા માટે મજબૂર બન્યા છે.
આ મુદ્દે સિવિલના કર્મીઓએ રોષ વ્યક્ત કર્યો છે. અહીં આરોગ્ય કર્મીઓ શુદ્ધ પીવાના પાણી માટે લડત આપી રહ્યાં છે. જો કે આ મુદ્દે હોસ્પિટલના ડીને લૂલો બચાવ કરતા જણાવ્યું હતું કે, અમે પ્રોજેક્ટ યુનિટને પ્લાન્ટ રિપેરિંગ માટે કહ્યું છે, વોટર કુલર અને વોટર પ્યુરિફાયર લગાવવા સૂચના આપી છે. જો કે હજું સુધી સ્ટાફને શુદ્ધ પીવાનું પાણી નથી મળી રહ્યું તે નરી વાસ્તવિકતા છે.