બેદરકારી / સોલા સિવિલની હોસ્પિટલ રોગોનું ઘર: ગંદકીના સામ્રાજ્યમાં મચ્છરોનો ઉપદ્રવ, નઘરોળ તંત્ર નિંદ્રામાં

• કેમ તકેદારી નથી રાખતી તે સરકારી હોસ્પિટલ
• ભવિષ્યના ડોક્ટર અને નર્સ સબડી રહ્યા છે ગંદકીમાં
• પ્રસાસનને લોકસેવામાં નથી રસ

સોલા સિવિલની હોસ્પિટલની હોસ્ટેલ જ બીમાર હાલતમાં છે. જી હાં અહીં ગંદકીનું ભયંકર સામરાજ્ય જોવા મળી રહ્યું છે. એક બાજુ પાણીની ટાંકીમાંથી સતત પાણી લીક થતું હોવાથી. ચારેબાજુ પાણીના ખાબોચિયા ભરેલા જોવા મળે છે. પાણી ભરાઈ જવાથી મચ્છરનો ઉપદ્વવ પણ વધ્યો છે. મચ્છર માટે લોકોને સભાન કરતી હોસ્પિટલની હોસ્ટેલમાં જ મચ્છર અને બીમારીનું ઘર બની ગયું છે. આવી ગંદકીથી ભરેલ હોસ્ટેલમાં  વિદ્યાર્થી રહેવા મજબૂર છે.

વાત ખાલી સોલા સિવિલની જ નથી પરંતુ સરકારી હોસ્પિટલોમાં કામચોરીનું પ્રમાણ અને સ્વચ્છતાનું પ્રમાણ ન જળવાતુ હોવાના મુદ્દે વારંવાર ફરિયાદ ઉઠતી રહે છે. કરોડોની ગ્રાન્ટ મેળવતી સરકારી હોસ્પિટલોનું તંત્ર કેમ એટલુ વ્યવસ્થિત નથી ચાલતું જેટલુ ખાનગી હોસ્પિટલોનું ચાલે છે? અહીં જ્યાં ત્યાં કચરાના ઢગલા અને પાણીના ખાબોચિયા હોવા છતાં સરકારી કર્મચારીઓ અને સત્તાવાળાઓ આંખ આડા કાન કરે છે.