નશાનો કાળો કારોબાર / ભરૂચમાં SOGનો સપાટો: પાનમસાલાની બેગમાં ડ્રગ્સ લઈ જતાં ત્રણ ઝડપાયા 

• અંકલેશ્વરમાંથી ડ્રગ્સનો જથ્થો ઝડપાયો
• ડ્રગ્સના જથ્થા સાથે 3 આરોપી ઝડપાયા
• કડોદરાથી ડ્રગ્સનો જથ્થો લઇને આવ્યા હતા

સમગ્ર રાજ્યમાં છેલ્લા કેટલાક સમયથી મોટી સંખ્યામાં ગાંજો અને ચરસ જેવા નશીલા પદાર્થનો ઉપયોગ કરી યુવાધનને બરબાદ કરવાનું કાવતરું રચાઈ રહ્યું છે. ત્યારે ભરૂચ SOG પોલીસ અને રૂરલ પોલીસના સંયુક્ત ઓપરેશન હાથ ધરીને અંકલેશ્વર પાસેથી ડ્રગ્સના જથ્થા સાથે ત્રણ આરોપીને ઝડપી પાડ્યાં હતાં. 

અંકલેશ્વરમાંથી ડ્રગ્સના જથ્થા સાથે 3 આરોપી ઝડપાયા

ભરૂચ SOG અને રૂરલ પોલીસના સંયુક્ત ઓપરેશન હાથ ધરીને સુરતના કડોદરાથી અંકલેશ્વર ખાતે ડ્રગ્સનો જથ્થો લઈ જતાં રિઝવાન અબ્દુલ સત્તાર સૈયદ, સરીફ અને સાદાબ શેખની  ત્રણ આરોપીઓને ઝડપી પાડ્યાં હતાં. મહત્વનું છે કે, આ ત્રણેય આરોપીઓ  પાન મસાલાની બેગમાં ડ્રગ્સ લાવ્યા હતાં. જો કે, પોલીસને પહેલેથી જ આ વાતની ખબર રહેતાં સમયસર આ ત્રણેય શખ્સોને અંકલેશ્વરના બાકરોલ બ્રીજ નીચેથી કાર સાથે દબોચી લીધા હતાં. 

રાજકોટમાંથી ઝડપાયો ગાંજાનો જથો

આ પહેલા સવારે રાજકોટ SOG પોલીસે  સૌરાષ્ટ્રમાં મોટી સંખ્યામાં ગાંજા અને ચરસ જેવા નશીલા પદાર્થોનોની હેરાફેરી કરતાં વિનોદસિંહ સેગર નામના એક આરોપી 1.900 કિલો ગ્રામ જેટલા ગાંજા જથ્થા સાથે ઝડપી પાડી તેના વિરૂદ્ધ કાર્યવાહી હાથ ધરી છે.