ગુજરાતમાં એકબાદ એક દારૂબંધીની પોલ ખોલતા દ્રશ્યો સામે આવી રહ્યા છે ત્યારે અમદાવાદ SOGએ વટવા જીઆઇડીસીમાં દારૂના અડ્ડા પર રેડ પાડી હતી
અમદાવાદ SOGની ટીમે દારૂના અડ્ડા પર પાડી રેડ
વટવા GIDCમાં બુટલેગર અજયસિંહના દારૂના અડ્ડા પર SOGની રેડ
GIDCના PSI અને SOG PSI વચ્ચે મારામારી
રાજ્યમાં દારૂબંધી હોવા છતાં બેફામ દારૂના અડ્ડા ધમધમી રહ્યા છે. દારૂના વેપલા બેરોકટોક થઇ રહ્યા છે. ત્યારે બોટાદ લઠ્ઠાકાંડ બાદ પોલીસ સફાળી જાગી ઉઠી છે. ઠેર ઠેર ચાલી રહેલા દારૂના ધંધાનો પર્દાફાશ કરવામાં આવી રહ્યો છે. ખૂણે ખૂણે બની બેઠેલા બુટલેગરો સામે પોલીસ દ્વારા કાર્યવાહી કરવામાં આવી રહી છે. સુરત, અમદાવાદ, વડોદરા સહિતના મહાનગરોમાં પોલીસ એક્શન મોડમાં જોવા મળી રહી છે ત્યારે આજે અમદાવાદ એસઓજી પોલીસ દ્વારા વધુ એક દારૂના અડ્ડાનો પર્દાફાશ કરવામાં આવ્યો.
વટવામાં દેશી દારૂના અડ્ડા પર તવાઇ
બરવાળા લઠ્ઠાકાંડ બાદ પોલીસે સમગ્ર રાજ્યમાં બુટલેગરો વિરુદ્ધ કાર્યવાહી શરૂ કરી છે, ત્યારે અમદાવાદ SOGની ટીમે વટવા GIDCમાં દારૂના અડ્ડા પર રેડ પાડી હતી. SOGએ બુટલેગર અજયસિંહના અડ્ડા પર પાડી હતી. વિદેશી દારૂની 5 પેટી જપ્ત કરવામાં આવી હતી. આ દરમિયાન વટવા GIDCના PSI એમ.એલ.વાઘેલા અને SOG PSI વચ્ચે મારામારી થઇ હતી. બંને પીએસઆઇ સામસામે આવી ગયા હતા. બુટલેગરોને GIDC પોલીસ લઠ્ઠાકાંડ બાદ છાવરતી હોવાની ચર્ચાઓ શરૂ થઇ હતી. ત્યારે બુટેલગર અને પોલીસ વચ્ચે સાંઠગાંઠ છે કે કેમ તે અંગે તપાસ શરૂ કરવામાં આવી હતી.
ન્યુ રાણીપમાંથી ઇંગ્લિશદારૂ બનાવતી ફેક્ટરી ઝડપાઇ
ચાર દિવસ અગાઉ અમદાવાદમાં ન્યુ રાણીપમાં આવેલ જુની કાચની બોટલના ગોડાઉનમાં ભગારના નામે અહીંયા નકલી ઈંગ્લીશ દારૂ બનાવમાં આવતો હતો. ન્યુ રાણીપમાં આવેલ ગોડાઉનમા શકર મારવાડી નામના વ્યક્તિ અને મોહમ્મદ છીપા નામના બને આરોપી એસેન્સ ( કલર) ,આલ્કોહોલ,અને પાણી મિક્ષ કરીને દરરોજ અલગ અલગ મોંઘી કિંમતનું ઈંગ્લીશ દારૂ બનાવીને બોટલોમાં સિલ કરીને વેચાણ કરતા રંગેહાથ ઝડપાયા હતા.
માનસી સર્કલ પાસેથી ઝડપાયો દારૂ
5 ઑગષ્ટના રોજ અમદાવાદનો પોશ વિસ્તાર કહેવાતા માનસી સર્કલ નજીક PCBને બાતમી મળતા પીસીબીએ રેડ પાડી હતી. જે દરમ્યાન પોલીસે ખૂબ મોટી માત્રામાં દારૂનો જથ્થો જપ્ત કર્યો. તેમજ પોલીસે એક આરોપીની પણ ધરપકડ કરી હતી.