3.5 લાખની કિંમતના ડ્રગ્સ સાથે ચેલા ગામમાંથી ઝડપાયો એક શખ્સ
સલાયામાં ઝડપાયેલા ડ્રગ્સ બાદ તંત્ર છે સતર્ક
ગુજરાતમાંથી ડ્રગ્સ ઝડપાવાનો સિલસલો યથાવત છે. અત્યાર સુધી શહેરી વિસ્તારમાં જ ડ્રગ્સના આરોપીઓ ઝબ્બે થતાં હતા પરંતું હવે આ નશો છેક ગુજરાતના ગામડા સુધી પહોંચી ગયો હોય તેવુ લાગી રહ્યું છે. જામનગર જિલ્લામાં વધુ એક શખ્સની ડ્રગ્સ સાથે ધરપકડ કરવામાં આવી છે. SOGએ બાતમીને આઘારે કરેલી કાર્યવાહીમાં 3.5 લાખની કિંમતના ડ્રગ્સ સાથે ચેલા ગામમાંથી એક શખ્સને રંગેહાથ 34 ગ્રામ મેફેડ્રોન ડ્રગ્સ સાથે ઝડપી પાડવામાં આવ્યો છે. મહત્વનું છે કે ગુજરાતના દરિયાનો ઉપયોગ કરી નાપાક સાજિસ રચનારા દેશના યુવાધનને ડ્રગ્સને રવાડે ચડાવી રહ્યા છે. જેને લઈને ગુજરાતની તમામ દરિયાઈ સરહદ પર પેટ્રોલિંગ પણ વધારવામાં આવ્યું છે. તેમાં જામનગરના દરિયાઈ સટીક ગામમાંથી ડ્રગ્સ ઝડપાતા પોલીસ તંત્ર પણ એલર્ટ થઈ ગયું છે. હાલ તો ડ્રગ્સને લઇને SOGએ વધુ તપાસ હાથ ધરી આરોપીની પૂછપરછ કરી રહી છે.
દ્વારકા ડ્રગ્સ કેસમાં આરોપીઓના 9 દિવસના રિમાન્ડ મંજુર
દેવભૂમિ દ્વારકા જિલ્લાના ખંભાળીયા નજીકથી ડ્રગ્સ સાથે એક વ્યક્તિ સજ્જાદ ઘોસી પાસેથી 17 કિલો ડ્રગ્સ ઝડપાયું હતું જ્યારે દ્વારકા જિલ્લા SOG અને LCB દ્વારા પૂછપરછ કરતા વધુ બે લોકોના નામ ખુલ્યા છે. તેઓ સલાયાના રહેવાસી સલીમ કારા અને અલી કારા હતાં. તેના ઘરે રેડ દરમ્યાન વધુ 47 પેકેટ ડ્રગ્સના મળી આવતા FSL દ્વારા તપાસ કરતા 45 કિલો ડ્રગ્સ મળી આવ્યું છે. જ્યારે આ ડ્રગ્સની કુલ કિંમત 315 કરોડની થાય છે. ડ્રગ્સ સાથે ત્રણ ઈસમો ની અટકાયત કરી છે. આ તમામ આરોપીઓને કોર્ટમાં રજૂ કરવામાં આવ્યાં હતાં અને કોર્ટ દ્વારા આ તમામ આરોપીઓના 9 દિવસના રિમાન્ડ મંજુર કરવામાં આવ્યા છે. SOG અને LCB દ્વારા આ મામલે સઘન તપાસ હાથ ધરવામાં આવી છે.
ગૃહરાજ્યમંત્રી હર્ષ સંઘવીએ ડ્રગ્સ મુદ્દે શું કહ્યું હતું
દ્વારકામાં 350 કરોડનું ડ્રગ્સ પકડાવવા મુદ્દે ગૃહરાજ્યમંત્રી હર્ષ સંઘવીનું નિવેદન આપતા કહ્યું હતું કે ડ્રગ્સ બાબતે ગુજરાત પોલીસ દ્વારા ખૂબ જ સારી કામગીરી કરવામાં આવી છે. હું ગૃહરાજ્યમંત્રી બન્યો ત્યારથી 55 દિવસમાં જ 5756 કિલો ડ્રગ્સ ઝડપી પાડ્યું જેની કિમત હજારો કરોડમાં આંકી શકાય છે. મેં વિધાનસભામાં ક્લિયર કહ્યું હતું કે ડ્રગ્સ વેચાવવા જાય તેની પહેલા જ પોલીસ પકડી લે તો તે પોલીસની સારી કામગીરી જ ગણાવામાં આવે. નવી સરકાર બન્યાથી અત્યાર સુધીમાં 58 જેટલા ડ્રગ્સ કેસને ઉકેલી 90 આરોપીને પોલીસે જેલ હવાલે કર્યા છે. ડ્રગ્સ એ કોઈ પોલિટિકલ વિષય નથી.