નિયમ મુજબ લાયસન્સ ધારકે જે સરનામું લાયસન્સમાં બતાવ્યું હોય તે જ સ્થળે દવાઓનો જથ્થો રાખી વેપાર કરી શકે છે.
કફ સીરપના નામે નશાનો કારોબાર
ગેરકાયદે કફસીરપના વેચાણનું નેટવર્ક
SOG ક્રાઇમે નેટવર્કનો કર્યો પર્દાફાશ
અમદાવાદ શહેરમાં નશા માટે ડ્રગ્સના વિકલ્પ તરીકે કફ સીરપનું ગેરકાયદે થતા વેચાણના નેટવર્કનો SOG ક્રાઈમે પર્દાફાશ કર્યો છે. જેમાં 4 આરોપીની ધરપકડ કરી રૂપિયા 6 લાખ 30 હજારના કફ સીરપના જથ્થા સહિત 7 લાખનો મુદ્દામાલ જપ્ત કર્યો છે.
કફ સીરપની આડમાં નશાનો વેપાર
SOGની ટીમે બાતમીના આધારે જુહાપુરા બરફની ફેક્ટરી પાછળ લવલી પાર્ક સોસાયટીમાં રેડ કરી હતી. જેમાં આરોપીઓ ડૉકટર પ્રિસ્ક્રિપ્શન વગર ડબલ ભાવ લઈને ગેરકાયદેસર કફ સીરપ વેચી નશાનો કારોબાર ચલાવતા હતા. જેમાં આરોપી મોહંમદવકાસ કાઝી વી.કે.ફર્મના નામે દવાઓના ખરીદ વેચાણનું લાઇસન્સ ધરાવતો હતો તેમાં સરનામું શાહઆલમ છે પરંતુ કફ સીરપનો જથ્થો જુહાપુરમાં રાખ્યો હતો.
3500 કફ શિરપની બોટલ સાથે 4 આરોપીની ધરપકડ
શહેરમાં ડ્રગ્સના વિકલ્પ તરીકે કફ સીરપનું ધૂમ વેચાણ થઈ રહ્યું હોવાની બાતમી મળતા જુહાપુરા બરફની ફેક્ટરી પાછળ લવલી પાર્ક સોસાયટીમાં એસઓજીની ટીમેં રેડ કરી હતી અને રૂ.6.30 લાખની કિંમત 3500 કફ શિરપની બોટલ સાથે 4 આરોપીને ઝડપી લીધા છે. આરોપીઓ ડૉકટર પ્રિસ્ક્રિપ્શન વગર જે સીરપનું વેચાણ કરીને ડબલ ભાવ લઈને ગેરકાયદેસર કફ સીરપ વેચી નશાનો કારોબાર ચલાવતા હતા. SOGએ આરોપી મોહંમદ વકાસ કાઝી, મોહસીન રગરેજ, અદનાન શેખ અને અરબાઝ શેખને ઝડપી આગળની કાર્યવાહી હાથ ધરી છે.
શું છે નિયમ?
મહત્વનું છે કે નિયમ મુજબ લાયસન્સ ધારકે જે સરનામું લાયસન્સમાં બતાવ્યું હોય તે જ સ્થળે દવાઓનો જથ્થો રાખી વેપાર કરી શકે છે. આથી ફૂડ એન્ડ ડ્રગ વિભાગના અધિકારીએ આરોપીઓને લવલી પાર્ક સોસાયટીમાં કફ સીરપના જથ્થાના સંગ્રહ અને ખરીદ-વેચાણનું લાઇસન્સ અંગે પૂછતાં ન હોવાનું જણાવ્યું હતું. જેથી આરોપીઓ કફ સીરપનું ડબલ કિંમત લઈને વેચાણ કરતા હતા પકડાયેલા અન્ય આરોપીઓમાં સાણંદનો અરબાઝ શેખ ડ્રગ્સ પેડલર છે. જે કફ શિરપનો જથ્થો ખરીદીને વેચાણ કરતો હતો
શહેરમાં હવે એમ ડી ડ્રગ્સ ની સાથે કફ સીરપ નું નેટવર્ક વધતા એસઓજીએ સર્ચ શરૂ કર્યું છે. આ આરોપીઓ લાયસન્સ ક્યારે મેળવ્યું અને કેટલા સમયથી આ નેટવર્ક ચાલતું હતું તેને લઈને તપાસ શરૂ કરી દીધી છે.