નહાતી વખતે સાબુનો ઉપયોગ કરવાથી સ્કિનનું મોઈશ્ચર ઘટવા લાગે છે. જેના કારણે સ્કિન ડ્રાય લાગે છે. તો આ સમસ્યાથી બચવા અને સ્કિનને સોફ્ટ રાખવા નહાતી વખતે સાબુનો ઉપયોગ ટાળવો જોઈએ. સાબુમાં રહેલાં હાર્શ કેમિકલ તમારી બોડી સ્કિન અને ફેસને નુકસાન પહોંચાડે છે. તો ચાલો જાણીએ સાબુની જગ્યાએ શું વાપરવું.
સોફ્ટ અને શાઈની સ્કિન જોઈએ તો નહાતી વખતે કરો આ ઉપાય
સાબુની જગ્યાએ આ વસ્તુઓનો કરો ઉપોયગ
સાબુમાં રહેલાં કેમિકલ્સ સ્કિન માટે છે હાનિકારક
શાવર જેલ
સાબુની તુલનામાં શાવર જેલ સોફ્ટ અને માઈલ્ડ હોય છે. બહુ બધાં શાવર જેલ એવા હોય છે જેમાં મોઈશ્ચરાઈઝિંગ એજન્ટ્સ પણ હોય છે. જે સ્કિનને ડ્રાય થતાં રોકે છે જ્યારે સાબુથી સ્કિન વધુ ડ્રાય બને છે.
નહાયા પહેલાં માલિશ
ડ્રાય સ્કિનની સમસ્યાથી બચવા માટે માલિશ પણ બેસ્ટ ઓપ્શન છે. નહાયાના 30 મિનિટ પહેલાં નારિયેળ તેલ, ઓલિવ ઓઈલ અથવા બદામના તેલથી માલિશ કરો. તેનાથી સ્કિન સોફ્ટ અને શાઈની બનશે.
બેસન અને દૂધનું ઉબટન
સપ્તાહમાં 1-2 વાર શરીરની સફાઈ માટે સાબુની જગ્યાએ ઉબટનનો ઉપયોગ કરી શકો છો. તેના માટે બેસનમાં થોડું દૂધ મિક્સ કરીને સ્મૂધ પેસ્ટ બનાવીને આખા શરીર પર લગાવી હળવા હાથે રબ કરો અને પછી સ્નાન કરી લો.
દૂધનો કરો ઉપયોગ
દૂધથી નહાવાનો મતલબ એ નથી કે તમે આખી ડોલ ભરીને દૂધ લો અને તેનાથી નહાવો. દૂધમાં મોઈશ્ચરાઈઝિંગ પ્રોપર્ટી હોય છે. તેનાથી સ્કિન સોફ્ટ અને ગોરી બને છે. જેથી એક વાટકીમાં દૂધ લઈ કોટનથી શરીર પર લગાવો અને પછી સ્નાન કરી લો.