વિવાદ / ઈનફ્લુએન્સર કશફને 1 કલાકમાં જ જામીન, ટી.રાજા વિરૂદ્ધ 'સર તન સે જુદા' નારાનો કર્યો હતો સપોર્ટ

• સૈયદ અબ્દાહુ કશફ નામના વ્યક્તિની ધરપકડ થઇ હતી
• એક કલાક પછી તેને જામીન મળી ગયા હતા
• ટી.રાજા વિરૂદ્ધ 'સર તન સે જુદા' નારાનો કર્યો હતો સપોર્ટ

પૈગંબર મુહમ્મદ વિરુદ્ધ વિવાદિત ટિપ્પણીના મામલે ધારાસભ્ય ટી રાજા સિંહના નિવેદન બાદ હૈદરાબાદમાં હંગામો મચી ગયો છે. દરમિયાન, સૈયદ અબ્દાહુ કશફ નામના વ્યક્તિની ગુરુવારે સામાજિક સંવાદિતાને ખલેલ પહોંચાડવાના આરોપસર ધરપકડ કરવામાં આવી હતી, પરંતુ એક કલાક પછી તેને જામીન મળી ગયા હતા. સૈયદ અબ્દાહુ કશફે ધારાસભ્ય ટી રાજા સિંહ સામે 'સર તન સે જુદા' ના નારાને ટેકો આપ્યો હતો. આખરે કોણ છે અબ્દાહુ કશફ, જેને આટલી જલ્દી જામીન મળી ગયા.

કોણ છે સૈયદ અબ્દાહુ કશફ?
સૈયદ અબ્દાહુ કશફ સોશિયલ મીડિયા પ્રભાવક અને સામાજિક કાર્યકર છે. સોમવારે, કશફે એક વીડિયો શેર કર્યો હતો જેમાં 'સર તન સે જુદા'ના નારા લગાવવામાં આવ્યા હતા. આ વીડિયોમાં કશફે લોકોને ટી રાજાનો વિરોધ ચાલુ રાખવા જણાવ્યું હતું. હૈદરાબાદમાં દક્ષિણ ઝોનની ડીસીપી ઓફિસની બહાર વિરોધ પ્રદર્શન થઈ રહ્યું હતું. કશફના ટી રાજા સિંહ વિરુદ્ધ 'સર તન સે જુદા'ના નારાને સમર્થન આપવા બદલ એફઆઈઆર પણ દાખલ કરવામાં આવી હતી. ગુરુવારે તેની ધરપકડ કરવામાં આવી હતી પરંતુ એક કલાકમાં જ તેને જામીન મળી ગયા હતા.

ધારાસભ્ય ટી રાજા સિંહ સામે પણ ફરિયાદ થઇ હતી
બીજી તરફ પયગંબર મુહમ્મદ વિરુદ્ધ ટિપ્પણી કરનારા ધારાસભ્ય ટી રાજા સિંહની પોલીસે ગુરુવારે ફરી ધરપકડ કરી હતી. આ પહેલા 23 ઓગસ્ટે તેની ધરપકડ કરવામાં આવી હતી. જોકે, સાંજે સ્થાનિક કોર્ટે તેને જામીન પર મુક્ત કરી દીધો હતો. આ સાથે જ હૈદરાબાદ પોલીસનું કહેવું છે કે, ભાજપના સસ્પેન્ડેડ ધારાસભ્ય રાજા સિંહને પીડી એક્ટ હેઠળ અટકાયતમાં લેવામાં આવ્યા છે. તેની સામે નોંધાયેલા 101 ફોજદારી કેસોમાંથી તે 18 કોમી ગુનામાં સંડોવાયેલો છે.