ગુગલે તેના પ્લેટફોર્મ પરથી એક-બે નહીં પરંતુ હજારો યુટ્યુબ ચેનલો હટાવી દીધી છે. ગૂગલે આટલું મોટું પગલું કેમ ભર્યું, આવો જાણીએ...
ગુગલે 5197 YouTube ચેનલ પર મુક્યો પ્રતિબંધ
ચીન-રશિયા અને બ્રાઝિલ પર સોશ્યલ સ્ટ્રાઇક
જાણો ગુગલે શા માટે મુક્યો પ્રતિબંધ
જો તમે પણ વીડિયો સ્ટ્રીમિંગ પ્લેટફોર્મ યુટ્યુબ પર વીડિયો જોવાનું પસંદ કરો છો તો તમારી જાણકારી માટે તમને જણાવી દઈએ કે ગૂગલે તાજેતરમાં એક મોટી કાર્યવાહી કરીને હજારો યુટ્યુબ ચેનલોને હટાવી દીધી છે. ગૂગલે કોઓર્ડિનેટેડ ઇન્ફ્લુઅન્સ ઓપરેશન સંબંધિત તપાસ દરમિયાન રશિયા, ચીન અને બ્રાઝિલથી ચાલતા આ યુટ્યુબ એકાઉન્ટ્સને હટાવી દીધા છે.
રશિયા કનેક્શન
માત્ર ચીન જ નહીં કોઓર્ડિનેટેડ ઈન્ફ્લુઅન્સ ઓપરેશનની તપાસ દરમિયાન ગૂગલે 718 યુટ્યુબ ચેનલોને તેના પ્લેટફોર્મની બહારનો રસ્તો બતાવી દીધો છે, એટલે કે આ ચેનલોને હટાવી દેવામાં આવી છે.
ગૂગલનું કહેવું છે કે આ અભિયાન ઈન્ટરનેટ રિસર્ચ એજન્સી એટલે કે IRA સાથે જોડાયેલું હતું જે રશિયન ભાષામાં કન્ટેન્ટ શેર કરી રહી હતી. આ અભિયાન યુક્રેનની ટીકા અને રશિયન રાષ્ટ્રપતિ વ્લાદિમીર પુતિનનું સમર્થન કરતું હતું.
બ્રાઝિલ સાથે કનેક્શન
માત્ર ચીન અને રશિયા જ નહીં પરંતુ ગૂગલે બ્રાઝિલથી ચાલતી 76 યુટ્યુબ ચેનલોને પણ તેના પ્લેટફોર્મ પરથી હટાવી દીધી છે. અહીં જે અભિયાન ચાલી રહ્યું હતું તે બ્રાઝિલિયન પોર્ટુગીઝમાં કન્ટેન્ટ શેર કરી રહ્યું હતું અને આ કન્ટેન્ટ બ્રાઝિલના રાષ્ટ્રપતિ જેયર બોલ્સોનારોને સપોર્ટ કરી રહ્યું હતું.
ગુગલે જણાવ્યું કે 8 યુટ્યુબ ચેનલો હટાવી દેવામાં આવી છે અને 2 ડોમેન્સને ગુગલ ન્યૂઝ અને ડિસ્કવરમાં દેખાવાથી બ્લોક કરી દેવામાં આવ્યા છે.
ગુગલે હટાવી આટલી યુટ્યુબ ચેનલો
મહત્વનું છે કે ચીન સાથે સંબંધિત કોર્ડિનેટેડ ઈન્ફ્લુએન્ટ ઓપરેશનની તપાસને કારણે ગૂગલે 5 હજાર 197 યુટ્યુબ ચેનલો અને 17 બ્લોગર બ્લોગ્સ હટાવ્યા છે. ગૂગલે તેના બ્લોગ પોસ્ટમાં લખ્યું છે કે આ બ્લોગ્સ અને યુટ્યુબ ચેનલ્સ ચિની ભાષામાં મનોરંજન, સંગીત અને જીવનશૈલી સંબંધિત સ્પામ સામગ્રી અપલોડ કરી રહ્યા હતા. આટલું જ નહીં ચીન અને અમેરિકાના વિદેશી મામલાઓને લઈને આ ચેનલ્સ પર ચાઈનીઝ અને અંગ્રેજીમાં ખૂબ જ નાનું કેન્ટેન્ટ પણ અપલોડ કરવામાં આવ્યુ હતું.