બોલિવુડના પ્રખ્યાત સિંગર લતા મંગશેકરનું ગીત ગાઇને રાતોરાત સોશ્યલ મીડિયા પર ચર્ચિત રાનૂ મંડલને બોલિવુડના મ્યૂઝિક ડિરેક્ટર હિમેશ રેશમિયાએ પોતાની નવી ફિલ્મમાં ગીત ગાવા માટે ઑફર કરી છે.
રાનૂ મંડલ ટેલિવિઝનના રિયાલિટી શો 'સુપરસ્ટાર સિંગર' નામના શોમાં જોવા મળશે. રાનૂ મંડળ હિમેશ અને બાકીના જજીસની સાથે શોમાં ભાગ લઇ રહેલા બાળકોની સાથે પણ મુલાકાત કરશે. હિમેશ રેશમિયાએ કહ્યુ કે, ''સલમાન ખાન (ભાઇ)ના પિતા સલીમ ખાને મને સલાહ આપી હતી કે, જ્યારે પણ જિંદગીમાં કોઇ ટેલેન્ટેડ વ્યકિત સાથે મુલાકાત કરો તો તેણે જવા ના દો, તે વ્યકિતને તેના ટેલેન્ટથી આગળ વધવામાં મદદ કરો.''
હિમેશ રેશમિયાએ કહ્યુ કે, ''આજે હું રાનૂ મંડલને મળ્યો અને મને લાગે છે કે, તેમના પર ઇશ્વરની કૃપા છે. તેમનું સિંગિંગ શાનદાર છે અને હું તેમના માટે જે પણ કરી શકુ છું, તે કરવા માટે પ્રયત્ન કરીશ. તેમની પાસે ગોડ ગિફ્ટ છે જેણે દુનિયાભરમાં શૅર કરવાની જરૂર છે અને મારી આવનારી ફિલ્મમાં ગીત ગવડાવીશ. મને લાગે છે કે તેમનો અવાજ લોકો સુધી પહોંચે તે માટેનો પ્રયત્ન હું કરી રહ્યો છું.''
હિમેશ રેશમિયાએ પોતાનુ વચન પૂરું કરતા પાસે ‘હેપ્પી હાર્ડી એન્ડ હીર’ માટે ગીત રેકોર્ડ કરાવ્યું છે. ઉલ્લેખનીય છે કે, રાનૂ ન્યૂરોલોજિકલ ડિસઓર્ડર અને પેનિક એટેકની પીડિત છે. રાનૂ પોતાના ઘરેથી નીકળીને પશ્ચિમ બંગાળના નાડિયા જિલ્લાના રાણાઘાટ સ્ટેશન પર પહોંચી ગઇ હતી. સ્ટેશન પર તે ગીત ગાઈ રહી હતી તે સમયે મુસાફરે સોશ્યલ મીડિયા પર વીડિયો અપલોડ કર્યો હતો.
સોશ્યલ મીડિયા પર વીડિયો વાયરલ થતા 10 વર્ષ પહેલા તેનાથી અલગ થઇ ગયેલી દિકરી તેને મળવા માટે આવી હતી. પુત્રીને મળીને રાનૂ ખૂશ થઇ ગઇ. રાનૂનું કહેવુ છે કે, ''આ મારું બીજુ જીવન છે, તેને હું વધુ સારું બનાવવો પ્રયત્ન કરીશ.''