હાલમાં ખતમ થયેલ કોમનવેલ્થ ગેમ્સમાં દેશના ખેલાડીઓએ શાનદાર પ્રદર્શન કર્યું છે. જો કે, હવે તેને લઈને પણ કોંગ્રેસ રાજનીતિ પર ઉતરી આવ્યું છે, ખાસ કરીને ગુજરાતીઓનું અપમાન કરીને નીચા બતાવાનો પ્રયાસ થયો છે.
કોમનવેલ્થ ગેમ્સમાં આ વખતે ભારતે રંગ રાખ્યો
ભારતીય ખેલાડીઓએ દેશને કુલ 61 મેડલ અપાવ્યા છે
જો કે, કોંગ્રેસના સોશિયલ મીડિયા મહિલા પ્રભારીએ ખાસ ગુજરાતને લઈને કર્યો પ્રહાર
કોમનવેલ્થ ગેમ્સ 2022માં ભારતે 61 મેડલ જીતીને ચોથા નંબરે રહ્યો છે. ભારતે આ વર્ષે સૌથી વધારે મેડલ કુશ્તીમાં 12 મેડલ જીત્યા છે, જેમાંથી છ ગોલ્ડ અને એક સિલ્વર તથા પાંચ બ્રોન્ઝ મેડલ સામેલ છે. ત્યાર બાદ વેઈટલિફ્ટીંગમાં નંબર આવે છે જેમાં ભારતીય દળે 10 મેડલ પ્રાપ્ત કર્યા છે.
આમ જોવા જઈએ તો, આ ગેમ્સમાં દેશભરમાંથી ખેલાડીઓએ ભાગ લીધો હતો, આ ખેલાડીઓએ કુલ 61 મેડલ દેશને અપાવ્યા છે. જો કે, હવે તેને લઈને રાજકારણ પણ ખેલાઈ રહ્યું છે. મહિલા કોંગ્રેસના સોશિયલ મીડિયા પ્રભારીએ આ બાબતને લઈને ખાસ ગુજરાતીઓ પર કટાક્ષ કરીને ઘોર અપમાન કર્યું છે.
મહિલા કોંગ્રેસના સોશિયલ મીડિયા પ્રભારી એવા નતાશા શર્માએ ટ્વિટ કરીને કહ્યું હતું કે, કોમનવેલ્થ ગેમ્સમાં ગુજરાતીઓને કોઈ મેડલ મળ્યા ? કે પછી ગુજરાતીઓ બેન્ક લૂંટીને ભાગવામાં જ ગોલ્ડ મેડેલિસ્ટ છે. જો કે, તેમનું આ ટ્વિટ થોડી વારમાં વાયરલ થવા લાગ્યું હતું અને લોકોએ તેમને ટ્રોલ કરવાના શરુ કર્યા હતા. સોશિયલ મીડિયા પર લોકોએ ખાસ કરીને ગુજરાતીઓએ તેમને સણસણતો જવાબ આપ્યો હતો. સાથે જ લોકોએ નતાશાના જ્ઞાનને લઈને પણ સવાલો ઊભા કર્યા હતા. લોકો હવે નતાશાને ન્યૂઝ પેપર વાંચી અપડેટ રહેવા માટે સલાહ આપી રહ્યા છે.
જો કે, બાદમાં નતાશાનો બરાબરનો ઉધડો લેતા તેમણે ટ્વિટ હટાવી દીધું હતું અને લોકો પાસે માફી પણ માગવી પડી હતી.
गुजरात को लेकर मेरे द्वारा किए गए ट्वीट पर मुझे अत्यंत खेद है।
महात्मा गांधी और सरदार पटेल की धरती, अहिंसा और प्रेम की धरती है गुजरात, और गुजरात ने हमारे देश को बड़े बड़े गौरव दिए हैं।
— Nattasha Sharrma नत्ताशा शर्मा🇮🇳 (@Nattashasharrma) August 10, 2022
જો કોંગ્રેસ સોશિયલ મીડિયા ઈન્ચાર્જ દ્વારા કરાયેલા આ પ્રકારના ઘોર અપમાન બાદ રાજ્યના ગૃહપ્રધાન હર્ષ સંઘવીએ કોંગ્રેસને બરાબરનો જવાબ આપતા ટ્વિટ કર્યા હતા. તેમણે લખ્યું છે કે, 'આ કંઈ પહેલીવાર નથી કે, કોંગ્રેસે દેશ અથવા ગુજરાતની નિંદા કરી હોય. ભાગલાની ગંદી રાજનીતિ આપના લોહીમાં છે અને અખંડ રાષ્ટ્રની કલ્પના અમારી રગ રગમાં વહે છે. આખરે આટલી નફરત ગુજરાત માટે ક્યાંથી લાવે છે, આ જ તેમનું ચરિત્ર છે, જે આજે ફરી એક વાર ગુજરાતની જનતા સામે આવ્યું છે. '
यह कोई पहली बार नही जब कांग्रेस ने देश या गुजरात की निंदा की हो।
बँटवारे की गंदी राजनीति आपके खून में है और अखंड राष्ट्र की कल्पना हमारे रग रग में हैं ।
आखिर इतनी नफरत गुजरात के लिए कांग्रेस लाती कहा से है। यहीं इनका चरित्र है जो आज एक बार फिर गुजरात की जनता के समाने आया है!