ગુજરાતમાં હાલ જ્યારે કોરોના વાયરસની મહામારીનો કહેર જોવા મળી રહ્યો છે ત્યારે પોલીસકર્મીઓ પોતાની ફરજને સેવાના રૂપમાં લઇને ખૂબ જ નિષ્ઠાપૂર્વક કામ કરી રહ્યા છે ત્યારે આ કઠનિ સમયમાં સમાજના કેટલાંક અનૈતિક તત્વો ગ્રેડ-પેમાં વધારાના મુદ્દાને લઇને પોલીસ કર્મચારીઓને ઉશ્કેરવાનો પ્રયત્ન કરી રહ્યાં છે. આવા તત્વો પોલીસકર્મીઓને ગેરમાર્ગે દોરવાનું અને તેમાં અસંતોષની લાગણી ફેલાવવાનું ગેરકાયદેસર અને અનૈતિક કામ કરી રહ્યાં છે. ત્યારે રાજ્યના DGP દ્વારા પોલીસ કર્મચારીઓની ઉશ્કેરણી કરનારાને છોડવામાં નહી આવે તેવુ જણાવ્યું છે. જ્યારે આ અંગે તપાસના આદેશ આપવામાં આવ્યાં છે તેમ પણ જણાવ્યું.
સોશિયલ મીડિયામાં પોલીસકર્મીઓના ચાલી રહેલા આંદોલન પર રાજ્યના DGPનું સુચક નિવેદન સામે આવ્યું છે. તેઓ કહ્યું કે હાલમાં સોશિયલ મીડિયામાં ઉશ્કેરણી થઇ રહી છે. ગ્રેડ પે વધારવા અંગે સોશિયલ મીડિયામાં પોસ્ટ થઇ રહી છે. પોલીસ આ પ્રવૃત્તિઓ પર ચાંપતી નજર રાખી રહ્યું છે.
સોશિયલ મીડિયાની આવી પ્રવૃતિઓ સાથે સંકળાયેલાઓને રાજ્યના DGPએ ચેતવણી આપી છે. તેઓ જણાવ્યું કે પોલીસ વિભાગ પર ડાઘ લાગે તે ન ચાલે, પોલીસ વિભાગ શિસ્તને વરેલુ ખાતુ છે. અનુસાશનને સૌથી વધુ મહત્વ અપાઇ છે. કોઇ કર્મચારી અનુશાસનથી ઉપર નથી. હાલમાં સોશિયલ મીડિયામાં ઉશ્કેરણી થઇ રહી છે. ગ્રેડ પે વધારવા અંગે પોસ્ટો થઇ રહી છે. પોલીસ આ પ્રવૃત્તિઓ પર ચાંપતી નજર રાખી રહી રહ્યું છે.
કોઇપણ સંજોગોમાં ઉશ્કેરણી નહીં ચલાવી લેવામાં આવે. આવી પ્રવૃત્તિઓને પોલીસ પર હુમલા સમાન ગણીશું. પોલીસની નોકરી અન્ય સરકારી નોકરીથી અલગ છે. ખાખી વર્દી પહેરવી એ પગારથી વધુ ગૌરવની ક્ષણ છે. માત્ર પગારની ચિંતા કરનાર પોલીસમાં ન જોડાય.
કાયદા મુજબ પોલીસને હક માગવાનો અધિકાર નહીં. ભૂતકાળમાં આવી કોઇ પ્રવૃત્તિઓ સફળ થઇ નથી. પોલીસકર્મીને અપીલ કે ભાગીદાર ન બને. સમાજ સેવાની નોકરી એટલે પોલીસ દળની નોકરી છે. 5 વર્ષના અનુભવી કોન્સ્ટેબલને તપાસ સોંપાઇ છે.
પોલીસકર્મીઓને રહેવા માટે આવાસની સુવિધા છે. રજાના દિવસે કામ કરનારને ભથ્થુ આપવામાં આવે છે. 8 કલાકની શિફ્ટમાં કામકાજ શરૂ કરાઇ રહ્યું છે. જૂથ વીમા કવચ પણ અપાઇ છે. સરકાર પોલીસકર્મીઓનું ધ્યાન રાખી રહી છે. બીજા ખાતાઓ સાથે પગારની સરખામણી યોગ્ય નથી.
પોલીસની ફરિયાદ માટે ખાતાકીય વ્યવસ્થા કરવામાં આવી છે. ગાંધીનગર જિલ્લામાં 3 સામે ગુનો નોંધાયો છે. કમલેશ સોલંકી, હસમુખ સક્સેના સામે ગુનો દાખલ છે. ગાંધીનગરમાં ભોજા ભરવાડ સામે ગુનો નોંધાયો છે. 3 આરોપી સામે સેકટર 7માં ગુનો નોંધાયો છે.