વલસાડમાં એક વીધર્મી યુવકે હિન્દુ યુવતી સાથે દુષ્કર્મ આચર્યું હોવાનો બનાવ સામે આવ્યો છે. આરોપીની પત્નીએ પણ યુવતીનો અશ્લિલ વીડિયો ઉતાર્યો હતો. જેથી પોલીસે આરોપી દંપત્તીની ધરપકડ કરી છે.
વિધર્મી યુવકે હિન્દુ યુવતી સાથે આચર્યુ દુષ્કર્મ
લગ્નની લાલચ આપીને યુવતીને બનાવી હવસનો શિકાર
આરોપીની પત્નીએ ઉતાર્યો યુવતીનો અશ્લિલ વીડિયો
વલસાડમાં ફરી એક વખત દુષ્કર્મનો બનાવ સામે આવ્યો છે. જોકે આ કેસમાં એક વિધર્મી દંપત્તીએ હિન્દુ યુવતીને ફસાવી હોવાની માહિતી સામે આવી છે. આ બનાવને લઈને આસપાસના વિસ્તારમાંતો ચકચાર મચી જવા પામી છે. તો સાથે જ લોકોમાં ક્યાંકને ક્યાંક રોષનો માહોલ જોવા મળી રહ્યો છે.
લલચાવી ફોસલાવીને દુષ્કર્મ આચર્યુ
આરોપી દપંત્તી પૈકી પતિનું નામ વસીમ મન્સુરી હોવાનું સામે આવ્યું છે. જેણે યુવતીને લલચાવી ફોસલાવીને તેની સાથે દુષ્કર્મ આચર્યું હતું. પીડિત યુવતીના કહેવા પ્રમાણે આરોપીએ પહેલા તેને લગ્નની લાલચ આપી હતી. જેથી તે તેની વાતોમાં ભોળવાઈ ગઈ હતી.
આરોપીની પત્નીએ યુવતીનો અશ્લિલ વીડિયો ઉતાર્યો
લગ્નની લાલચ આપીને આરોપીએ પીડિતા સાથે અનેક વખત દુષ્કર્મ આચર્યું હતું. જોકે નવાઈની વાતતો એ છે, કે આરોપી વસીમની પત્ની સબનમે પીડિત યુવતીનો અશ્લિલ વીડિયો ઉતારી લીધો હતો. જે વીડિયો તે તેના માતા પિતાને બતાવાની ધમકી આપતી હતી. જેના કારણે પીડિતા ઘણી ગભરાઈ ગઈ હતી. જોકે કંટાળીને તેણે છેલ્લે પોલીસમાં ફરિયાદ નોંધાવી.
આરોપી પતિ પત્ની હવાલાતમાં
પોલીસને ફરિયાદ મળતાની સાથે તેમણે ઘટનાની ગંભીરતાને ધ્યાનમાં રાખીને તપાસ આરંભી અને આરોપી પતિ પત્નીને ઝડપી પાડ્યા છે. હાલ દંપત્તિને તેની કરતૂતને કારણે જેલના સળીયા ગણવાનો વારો આવ્યો છે. જોકે જે રીતે પત્નીએ પણ આ કાવતરામાં તેના પતિનો સાથ આપ્યો હતો. તે વાત જાણીને પોલીસ પણ બે ઘડી હેરાન રહી ગઈ હતી.
લાલબત્તી સમાન કિસ્સો
ઉલ્લેખનીય છે કે આરોપી યુવકે બીજુ નામ રાખીને સોશિયલ મીડિયા પર યુવતી સાથે મિત્રતા કેળવી હતી. બાદમાં તેણે યુવતીને પોતાની પ્રેમજાળમાં ફસાવીને તેની સાથે અનેક વાર દુષ્કર્મ આચર્યું હતું. માટે જે લોકો સોશિયલ મીડિયા પર અજાણી વ્યક્તિ સાથે મિત્રતા કરતા હોય છે. તેમના માટે આ કિસ્સો લાલબત્તી સમાન કહી શકાય.