ખેલજગત / ....તો શું આ દિગ્ગજ ખેલાડીની કેપ્ટનશિપમાં ભારતીય ટીમ રમશે વર્લ્ડકપ? ટૂંક સમયમાં મળી શકે છે T20 વનડેની કમાન

• ODI અને T20 ફોર્મેટની કપ્તાની હાર્દિક પંડ્યાને સોંપવામાં આવી શકે 
• કેપ્ટન્સી સોંપવી એ વાત નિશ્ચિત
• હાર્દિકે આ મામલે થોડો સમય માંગ્યો 

ભારતીય ક્રિકેટ ટીમ એક મોટા બદલવા માટે આગળ વધી રહી છે. ટીમમાં મર્યાદિત ઓવર અને ટેસ્ટ ફોર્મેટમાં અલગ-અલગ કેપ્ટન બનાવવામાં આવી શકે છે. જણાવી દઈએ કે ભારતીય ક્રિકેટ કંટ્રોલ બોર્ડ (BCCI)ના સૂત્રો પાસેથી આ માહિતી મળી છે કે ODI અને T20 ફોર્મેટની કપ્તાની હાર્દિક પંડ્યાને સોંપવામાં આવી શકે છે. 

કેપ્ટન્સી સોંપવી એ વાત નિશ્ચિત
ગઇકાલે એટલે કે બુધવારે 21 ડિસેમ્બરના રોજ BCCI એપેક્સ કાઉન્સિલની બેઠક પણ થઈ છે અને એ મિટિંગમાં ભારતીય ટીમમાં સ્પ્લિટ કેપ્ટન્સી સિવાય સ્પ્લિટ કોચિંગની પણ ચર્ચા થઈ છે. આ સાથે જ BCCIના સૂત્રોએ સ્પષ્ટપણે જણાવ્યું હતું કે મર્યાદિત ઓવરના મેચ એટલે કે ODI-T20 ફોર્મેટમાં હાર્દિક પંડ્યાને કેપ્ટન્સી સોંપવી એ વાત નિશ્ચિત છે.

હાર્દિકે આ મામલે થોડો સમય માંગ્યો 
આ સાથે જ સૂત્રોના જણાવ્યા અનુસાર BCCI એ આ વાત અંગે હાર્દિક સાથે ચર્ચા પણ કરી લીધી છે અને હાર્દિક પંડયા એ આ મામલે વિચારવા માટે થોડા દિવસનો સમય માંગ્યો છે. હવે જોવાનું એ રહેશે કે તેઓ શું નિર્ણય લે છે. હાલમાં આ મામલે કોઈ નિર્ણય લેવાયો નથી. 

હાર્દિકની કપ્તાનીમાં રમી શકાય છે વર્લ્ડ કપ 
જો BCCIની એ વાત પર હાર્દિક પંડ્યા સંમત થાય તો તેને શ્રીલંકા સામેની સીરીઝમાં જ કેપ્ટન્સી સોંપવામાં આવી શકે છે. અને એ સાથે જ  ભારતીય ટીમ આવતા વર્ષે ODI વર્લ્ડ કપમાં પંડ્યાની કપ્તાનીમાં રમતી જોવા મળી શકે છે. સાથે જ જણાવી દઈએ કે ODI વર્લ્ડ કપ આવતા વર્ષના અંતમાં ભારતમાં જ રમાવાનો છે એ નક્કી છે.

હાર્દિકે 5 ટી-20 મેચમાં કેપ્ટનશિપ પણ કરી છે
જણાવી દઈએ કે હાર્દિક પંડ્યાએ અત્યાર સુધી 5 T20 મેચમાં ભારતીય ટીમની કેપ્ટનશીપ કરી છે. જેમાંથી 4માં ટીમ જીતી હતી, જ્યારે એક મેચ હારી હતી. આ સાથે જ હાર્દિક IPLમાં ગુજરાતની ટીમનો કેપ્ટન છે અને એમની કપ્તાનીમાં ગુજરાતની ટીમ પહેલી જ સિઝન એટલે કે 2022માં ચેમ્પિયન બની હતી.