OMG! / તો શું હવે દિવસ 24 નહીં, 25 કલાકનો થઇ જશે? સામે આવ્યું ચોંકાવનારું રિસર્ચ

ખગોળીય ઘટનાની અસર આપણા તારામંડળ અને પૃથ્વી પર પણ પડે છે. જેમ સર્વવિદિત છે તેમ ગ્રહોની આસપાસ તેના ઉપગ્રહો ચક્કર લગાવે છે. પરંતુ એક શોધમાં જાણવા મળ્યું છે કે, આપણો ચંદ્ર ધીરે ધીરે પૃથ્વીથી દુર જઈ રહ્યો છે. તેની અસર આપણા દિવસની લંબાઈ પર પડશે. પૃથ્વીના દિવસની લંબાઈ 24 કલાકથી વધી શકે છે.

વધુ વાંચો : ટોપ અપ હોમ લોન શું છે? કોને અને કેવી રીતે મળે? જાણો તેના ફાયદા

વિસ્કોન્સિન મેડિસન વિશ્વવિદ્યાલયની એક ટીમની સ્ટડીમાં જાણવા મળ્યું છે કે, ચંદ્ર આપણી પૃથ્વીથી લગભગ 3.8 સેન્ટીમીટર પ્રતિ વર્ષના દરથી દૂર જઈ રહ્યો છે. તેની અસર એ થશે કે, આગામી 20 કરોડ વર્ષમાં ધરતીનો એક દિવસ 25 કલાકનો થઈ જશે. આ શોધમાં એમ પણ જાણવા મળ્યું છે કે, 1.4 અરબ વર્ષ પહેલાં પૃથ્વીનો એક દિવસ 18 કલાક જેટલો જ હતો. આવું થવાનું કારણ ચંદ્ર અને પૃથ્વી વચ્ચેનો ગુરુત્વાકર્ષણ સબંધ છે.

વિસ્કોન્સિન મેડિસન વિશ્વવિદ્યાલયના પ્રોફેસર સ્ટીફન મેયર્સના જણાવ્યા અનુસાર પૃથ્વી એક ચક્કર લગાવતી ફિગર સ્કેટર જેવી હોય છે. જેમ જેમ ચંદ્ર તેનાથી દૂર જાય છે તેમ પૃથ્વી સ્લો થઇ જાય છે. ઉલ્લેખનીય છે કે, ચંદ્રનું દૂર જવું એ નવી બાબત નથી પણ આ વિશ્વવિદ્યાલયનું આ અધ્યયન ઐતિહાસિક અને ભુવૈજ્ઞાનિક સંદર્ભને વિસ્તારથી પડતાલ કરવાનું કામ કરે છે.

અવકાશ સંબંધિત શોધ કરનાર વૈજ્ઞાનિકોએ ચંદ્ર અને પૃથ્વીના વિશે ખૂબ જાણકારી ભેગી કરી છે. જેમાં તેના કરોડો વર્ષનો ઇતિહાસ પણ સામેલ છે. તેઓના નિષ્કર્ષ પરથી જાણવા મળે છે કે, ચંદ્રની દૂર થવાનો દર અપેક્ષાકૃત ખાસો સ્થિર છે.  પૃથ્વીની ગતિ સહિતના કારણોસર ભુવૈજ્ઞાનિક સમયમાં અનેક ફેરફાર થયા છે.