હાલમાં રિષભ પંત માટે ક્રિકેટ મેદાનમાં પરત ફરવું શક્ય નથી અને પંતને લગતા આ સમાચાર ઈન્ડિયન પ્રીમિયર લીગની ફ્રેન્ચાઈઝી દિલ્હી કેપિટલ્સ માટે મુશ્કેલીરૂપ બની શકે છે.
હાલમાં રિષભ પંત માટે ક્રિકેટ મેદાનમાં પરત ફરવું શક્ય નથી
દિલ્હી કેપિટલ્સ હવે કેપ્ટનની શોધમાં છે
ડેવિડ વોર્નરને સોંપવામાં આવી શકે છે કેપ્ટનશિપની કમાન
ટીમ ઈન્ડિયાનો વિકેટ કીપર અને બેટ્સમેન રિષભ પંત કાર અકસ્માતમાં ગંભીર રીતે ઘાયલ થયો હતો. ઉત્તરાખંડમાં પંતની મર્સિડીઝ કાર ડિવાઈડર સાથે અથડાઈ હતી. ડિવાઈડર સાથે અથડાયા બાદ કારમાં આગ લાગી હતી. અકસ્માત બાદ રિષભ પંતની દેહરાદૂનની મેક્સ હોસ્પિટલમાં સારવાર ચાલી રહી છે. ડોક્ટરોના જણાવ્યા અનુસાર રિષભ પંતને પગ અને માથામાં ઘણી ઈજાઓ થઈ છે. તેની પીઠ પર ઈજાના નિશાન પણ છે. આવી સ્થિતિમાં માનવામાં આવી રહ્યું છે કે હાલમાં તેના માટે ક્રિકેટ મેદાનમાં પરત ફરવું શક્ય નથી અને ડોક્ટરોના મતે તેને સંપૂર્ણ સ્વસ્થ થવામાં ત્રણથી ચાર મહિનાનો સમય લાગી શકે છે.
🚨 Statement from BCCI 🚨
Rishabh Pant’s condition remains stable, and he has now been shifted to Max Hospital, Dehradun, where he will undergo MRI scans to ascertain the extent of his injuries and formulate his further course of treatment. pic.twitter.com/fibrOlSTsv
આ બધા વચ્ચે રિષભ પંતને લગતા આ સમાચાર ઈન્ડિયન પ્રીમિયર લીગની ફ્રેન્ચાઈઝી દિલ્હી કેપિટલ્સ માટે મુશ્કેલીરૂપ બની શકે છે. જણાવી દઈએ કે પંત IPLમાં દિલ્હી કેપિટલ્સનો કેપ્ટન છે અને હાલ આગામી 2023 સીઝન માટે ટીમની ટીમ તૈયારીઓ પણ પૂરજોશમાં છે. આવી સ્થિતિમાં, જો પંત સમયસર સ્વસ્થ થઈ શકશે નહીં તો ફ્રેન્ચાઇઝીએ તેનો વિકલ્પ શોધવો પડશે.
દિલ્હી કેપિટલ્સ હવે કેપ્ટનની શોધમાં છે
પંત હાલમાં હોસ્પિટલમાં દાખલ છે. આ કારણે તેના માટે IPL-2023માં રમવું અશક્ય લાગી રહ્યું છે એવામાં IPLમાં પોતાના પ્રથમ ટાઇટલ જીતવાની કોશિશ કરતી દિલ્હી કેપિટલ્સ ટીમ હવે આગામી સિઝન (IPL-2023)માં નવા કેપ્ટન સાથે પ્રવેશ કરશે. જણાવી દઈએ કે પંત ટીમની કેપ્ટનશીપ સંભાળી રહ્યો હતો પણ અકસ્માતને કારણે તેના માટે સિઝનમાં રમવું મુશ્કેલ છે. આવી સ્થિતિમાં દિલ્હીની ટીમ કેપ્ટનની શોધમાં છે.
ડેવિડ વોર્નરને સોંપવામાં આવી શકે છે કેપ્ટનશિપની કમાન
હાલ રિષભ પંતની સ્થિતિ જોતાં એવું લાગી રહ્યું છે કે તેઓ આઈપીએલ નહીં રમે અને ઓસ્ટ્રેલિયાના દિગ્ગજ ખેલાડી ડેવિડ વોર્નરને IPL-2023માં દિલ્હી કેપિટલ્સ ટીમની કમાન સોંપવામાં આવી શકે છે. જણાવી દઈએ કે ડેવિડ વોર્નરને પણ કેપ્ટનશિપનો અનુભવ છે અને તેને પોતાની કપ્તાનીમાં સનરાઈઝર્સ હૈદરાબાદને આઈપીએલમાં ચેમ્પિયન પણ બનાવ્યું છે. બોલ ટેમ્પરિંગમાં તેની ભૂમિકાને કારણે વોર્નર પર 2018માં આજીવન પ્રતિબંધ મૂકવામાં આવ્યો હતો.
પૃથ્વી શો પણ છે દાવેદાર
જો વોર્નરને નહીં તો મુંબઈના યુવા બેટ્સમેન પૃથ્વી શૉને પણ આ જવાબદારી સોંપવામાં આવી શકે છે. પૃથ્વી શૉને અંડર-19 ક્રિકેટમાં કેપ્ટનશિપનો અનુભવ છે. તે સ્થાનિક ક્રિકેટમાં મુંબઈનું પ્રતિનિધિત્વ કરે છે અને હાલમાં રણજી ટ્રોફીમાં રમી રહ્યો છે. તે છેલ્લા કેટલાક સમયથી ટીમ ઈન્ડિયાની બહાર ચાલી રહ્યો છે.