( બે ) જવાબદાર / ચૂંટણી ઓળખ પત્રમાં વ્યક્તિના બદલે છપાયો લાઈટ બિલનો ફોટો, વડોદરામા ચૂંટણી વિભાગે વેર્યા વટાણા

• વડોદરામાં મતદાર જાગૃત,પણ વિભાગ તંદ્રામાં 
• ચૂંટણી કાર્ડમાં મોટો છબરડો,હવે નવેસરથી પ્રક્રિયા 
• યુવકના બદલે, કોઈના લઈ બિલનો છપાયો ફોટો 

વડોદરામાં મતદાર જાગૃતિ કાર્યક્રમના ઝુંબેશ હેઠળ ઈલેક્શન કાર્ડ કઢાવવા પુરાવા સાથે અરજી કરનારા એક યુવકે પોતાના 18 વર્ષ પૂરા થતા અરજી કરી હતી. અહીના ન્યૂ સમા રોડ પર રહેતો આ યુવક અરજી કરીને કેનેડા ગયો હતો. ગત સપ્તાહે આ યુવકને ઘેર ચૂંટણી વિભાગે એક પત્ર મોકલ્યો જેમાં યુવકનું ઈલેક્શન કાર્ડ હતું. પરિવારે આ કવર ખોલતા જ તેઓની આંખો પહોળી થઇ ગઈ. યુવકના ઈલેક્શન કાર્ડ પર ફોટો લાઈટ બિલનો છપાયો હતો. 

વડોદરાના ન્યૂ સમા રોડ પર રહેતા જય પટેલનાં 18 વર્ષ પુરા થતા તે ગત ડિસેમ્બર-21 માં ન્યૂ સમા રોડની નવયુગ અંગ્રેજી માધ્યમ સ્કૂલમાં પિતા સાથે ઈલેક્શન કાર્ડ કઢાવવા ગયો હતો. જય તમામ દસ્તાવેજ જમા કરાવી,કેનેડા પ્રયાણ કરી ગયો હતો. સપ્તાહ પૂર્વે જ તેના ઘેર ઈલેક્શન વિભાગનું પરબીડિયું આવ્યું . જેમાં જયનું ચૂંટણી ઓળખ પત્ર હતું. પરંતુ આ ઓળખપત્રમાં જયના ફોટાના બદલે લાઈટ બિલનો ફોટો છપાઈને આવતા પરિવાર વિમાસંમાં મુકાઈ ગયો છે. હવે ફરીથી આ ચૂંટણી કાર્ડ કઢાવવા માટે આખી પ્રક્રિયા નવેસરથી કરવી પડશે તેવી મૂંઝવણ છે. જો કે આ છબરડા બાદ, ગરુડા એપમાં ખામીના કારણે ચૂંટણી કાર્ડમાં છબરડા થયા હોવાનું કર્મચારીઓ રટણ કરી રહ્યા છે.