મોટું નિવેદન / તો શું આ કારણથી પ્રથમ તબક્કામાં મતદાન ઓછું થયું? ભાજપના ઉમેદવારે કર્યો ચોંકાવનારો ખુલાસો

• ભૂપેન્દ્ર પટેલની આગેવાની હેઠળ રેકોર્ડ બ્રેક જીત હાંસલ કરશે - અરવિંદ પટેલ
• ગુજરાતની અંદર ભાજપની ઔતિહાસિક જીત થશે
• પ્રથમ તબ્બકામાં ઓછું મતદાન થયું તેની પાછળનું આ કારણ 

આજે મધ્ય ગુજરાત અને ઉત્તર ગુજરાતની 93 બેઠકો પર સવારના 8 વાગ્યાથી મતદાન પ્રક્રિયા શરૂ થઈ ગઈ છે. રાજ્યના 14 જિલ્લાના 26 હજાર 409 મતદાન મથકો પર મતદાન શરૂ થયું છે. જેમાં 8,533 શહેરી મતદાન મથકો અને 17 હજાર 876 ગ્રામ્ય વિસ્તારના મતદાન મથકોનો સમાવેશ થાય છે. આજે 14 જિલ્લાના 2 કરોડ 51 લાખ 58 હજાર 730 મતદારો પોતાના મત્તાધિકારનો ઉપયોગ કરશે. બીજા તબક્કાની 93 બેઠકો પર કુલ 833 ઉમેદવારો મેદાનમાં છે. બીજા તબક્કામાં મુખ્યમંત્રી, 8 મંત્રી અને 60 સિટીંગ ધારાસભ્યો સહિત ભાજપ, કોંગ્રેસ-NCP અને આપના 279 ઉમેદવારો સહિત કુલ 833 ઉમેદવારોનું ભાવિ EVMમાં સીલ થશે. આગામી 8મી ડિસેમ્બરના રોજ મતગણતરી હાથ ધરવામાં આવશે.    

દેશના વડાપ્રધાન નરેન્દ્ર મોદીએ આજે રાણીપમાં મતદાન કર્યું હતું. જ્યારે તેઓ વોટ આપવા પહોંચ્યા ત્યારે બુથની બહાર હજારોની સંખ્યામાં ભીડ ઉમટી પડી હતી. એ સમયે તે વિસ્તારના સ્થાનિક ધારાસભ્ય એવામાં અરવિંદ પટેલે VTV સાથે વાતચીત કરતાં સમયે ભાજપને લઈને વિશ્વાસ વ્યક્ત કરતાં કહ્યું હતું કે આ વખતે પણ ભાજપ સરકાર બનાવશે અને ભૂપેન્દ્ર પટેલની આગેવાની હેઠળ રેકોર્ડ બ્રેક જીત હાંસલ કરશે. 

ગુજરાતની અંદર ભાજપની ઔતિહાસિક જીત થશે
વાતચીત દરમિયાન અરવિંદ પટેલે કહ્યું હતું કે 'નરેન્દ્ર મોદીએ આજે રાણીપ વિસ્તારના સાબરમતી વિધાનસભાના ભાજપના ઉમેદવાર હર્ષદભાઈ પટેલને વોટ આપવા જઈ રહ્યા છે.' આ સાથે જ એમને એમ પણ કહ્યું હતું કે 'નરેન્દ્ર  મોદીએ ગુજરાતમાં જે વિકાસગાથા શરૂ કરી છે એ કારણે છેલ્લા 27 વર્ષથી ગુજરાતની જનતા ભાજપને વોટ આપતી આવી છે અને આ વખતે પણ ભૂપેન્દ્ર પટેલની અધ્યક્ષતા હેઠળ ગુજરાતની અંદર ભાજપની ઔતિહાસિક જીત થશે. સાથેજ સાબરમતી વિધાનસભાના ભાજપના ઉમેદવાર બહુમતીથી જીતશે એવી મને ખાતરી છે.' 

પ્રથમ તબ્બકામાં ઓછું મતદાન થયું તેની પાછળનું કારણ 
ગુજરાત વિધાનસભા ચૂંટણીમાં પ્રથમ તબક્કાનું મતદાન 1 ડિસેમ્બરે થયું હતું  જેમાં સવારે આઠ વાગ્યાથી સાંજે પાંચ વાગ્યા સુધીમાં 19 જિલ્લાની 89 બેઠકો પર અંદાજે  સરેરાશ 58.90  ટકા મતદાન નોંધાયું હતું. આ વિશે વાત કરતાં અરવિંદ ભાઈએ જણાવ્યું હતું કે, ' હાલ ઘણા ગામડામાં  કૃષિ લક્ષી કામના ચાલી રહ્યા છે અને એ કારણે મતદાનમાં ઘણી અસર પડી હતી. આ સિવાય હાલ લગ્નગાળો હોવાને કારણે પ્રથમ તબક્કામાં ઓછુ મતદાન થયું હતું. પણ જે પ્રમાણે મતદાન થયું છે એ વધુ પડતું ભાજપની તરફેણમાં જ લોકોએ કર્યું હશે. હાલ ગુજરાતની ઘણી સીટો પર મુકાબલો ણથી. ખાલી ઉમેદવારને ઊભો રાખવો પડે એટલે બીજી પાર્ટીઓએ ઉમેદવારને ઊભો રાખ્યો છે.' 

ગુજરાત વિધાનસભા ચૂંટણી 2022નો બીજો તબક્કો 
ગુજરાત વિધાનસભા ચૂંટણી 2022ના બીજા તબક્કા માટે 14 જિલ્લાની 93 બેઠકો પર મતદાન શરૂ થઈ ગયું છે. ભાજપ, કોંગ્રેસ અને આમ આદમી પાર્ટી માટે આ તબક્કો ઘણો મહત્વનો છે. 93 બેઠકો માટે 833 ઉમેદવારો મેદાનમાં છે. આ તબક્કામાં મધ્ય ગુજરાત અને ઉત્તર ગુજરાતની બેઠકોનો સમાવેશ થાય છે. અમદાવાદ અને વડોદરા સહિતના શહેરી વિસ્તારોમાં ભાજપનો લિટમસ ટેસ્ટ છે. બીજી તરફ ઉત્તર ગુજરાત કોંગ્રેસનો પરંપરાગત ગઢ અને ઓબીસી પ્રભુત્વ ધરાવતો વિસ્તાર છે. 

61 રાજકીય પક્ષોના 833 ઉમેદવારો મેદાનમાં
બીજા તબક્કામાં 93 બેઠકો માટે 61 રાજકીય પક્ષોના 833 ઉમેદવારો મેદાનમાં છે. તેમાંથી 285 અપક્ષ ઉમેદવારો મેદાનમાં છે, જ્યારે ભાજપ અને આમ આદમી પાર્ટીએ તમામ 93 બેઠકો માટે પોતાના ઉમેદવારો ઉભા રાખ્યા છે. બીજા તબક્કામાં કોંગ્રેસ 90 બેઠકો પર ચૂંટણી લડી રહી છે, જ્યારે તેના સહયોગી NCPએ બે બેઠકો પર પોતાના ઉમેદવારો ઉભા રાખ્યા છે. જ્યારે BTP 12 અને BSP 44 સીટો પર ચૂંટણી લડી રહી છે.