ઉત્તરાયણ પહેલા રાજ્યમાં ચાઇના દોરીથી ત્રણના મોત, વડોદરામાં 2 અને સુરતના એક યુવાને જીવ ગુમાવ્યો, અમદાવાદમાં એક બાળક ઇજાગ્રસ્ત થયો હતો
અત્યાર સુધી ચાઇના દોરીથી ત્રણ લોકોના મોત
વડોદરા 2 અને સુરતના યુવાને જીવ ગુમાવ્યો
અમદાવાદના એક બાળકનુ ઇજાગ્રસ્ત થયો હતો
ચાઈનીઝ દોરી પર પ્રતિબંધ છે તેમ છતાં લોકો ચાઈનીઝ દોરી વેચે અને ખરીદે છે. ચાઇનીઝ દોરીના કારણે ઉત્તરાયણના તહેવાર દરિમયાન અનેક લોકોના ભોગ લેવાય છે. ત્યારે વડોદરામાં ઉત્તરાયણ પહેલા ચાઇનીઝ દોરીએ વધુ એકનો ભોગ લીધો છે તેમજ આ ઉત્તરાયણના તહેવાર પર રાજ્યમાં ચાઈનીઝ દોરીના કારણે ત્રણ લોકોએ જીવ ગુમાવ્યા અને અમદાવાદમાં એક કિશોર ઈજાગ્રસ્ત થયાની વિગતો છે.
વડોદરામાં ચાઇનીઝ દોરીના કારણે વધુ એક યુવાને ગુમાવ્યો જીવ
વડોદરામાં ચાઇનીઝ દોરીના કારણે વધુ એક યુવાને જીવ ગુમાવ્યો છે. રણોલીમાં રહેતા યુવકનું ચાઇનીઝ દોરીથી ગળું કપાતા મૃત્યુ થયો છે. સમા કેનાલ રોડ પર યુવક બાઈક પર જતો હતો તે સમયે બની આ દુર્ઘટના બની હતી. વિશાલ ઠાકોર નામના યુવાનનું ચાઇનીઝ દોરીથી ગળું કપાઈ જતાં મોત થતા સમગ્ર પંથકમાં ચકચાર મચી જવા પામ્યું છે. બે દિવસ પહેલા પણ નવાપુરામાં ચાઇનીઝ દોરીના કારણે હોકી પ્લેયરનું મોત થયું હતું
વડોદરામાં ચાઇનીઝ દોરીના કારણે હોકી પ્લેયરનું મોત
વડોદરામાં ઉત્તરાયણ પહેલા ચાઇનીઝ દોરીએ યુવકનો ભોગ લીધો છે. ચાઇનીઝ દોરીથી ગળું કપાતા 30 વર્ષના આશાસ્પદ યુવકનું મૃત્યુ થયું હતું. નવાપુરા વિસ્તારમાં રબારીવાસ પાસે કરૂણ ઘટના બની છે. બાઇક પર જતાં યુવકનું ચાઇનીઝ દોરીથી ગળું કપાયું છે.
સુરતના યુવાને જીવ ગુમાવ્યો
સુરતના કામરેજમાં પતંગની દોરીના કારણે શ્રમજીવી યુવક રાજુ પટેલનું ગળુ કપાઈ જતા તેનું મૃત્યુ થયુ હતું. કામરેજ ચાર રસ્તા પાસેથી પસાર થતા સમયે પંતગની દોરીથી યુવકનું ગળુ કપાયુ હતુ. જેથી યુવકને ગળાના ભાગે ગંભિર ઈજાઓ થતા તેનું ઘટના સ્થળે જ મૃત્યુ થયુ હતુ. મૃતક રાજુ પટેલ લુમ્સના કારખાનામાં કામ કરતો હતો બીજી તરફ પતંગની દોરીના કારણે એક બાઈક ચાલકને પણ ગંભીર અકસ્માત નડ્યો હતો. ઘટનાને પગલે તંત્ર પર સવાલ ઉઠી રહ્યા છે કેમકે પ્રતિબંધ હોવા છતાં ચાઇનીઝ દોરીનું વેચાણ કેવી રીતે થઈ રહ્યુ છે ?
અમદાવાદમાં ચાઈનીઝ દોરીથી એક કિશોર ઈજાગ્રસ્ત
અમદાવાદમાં ચાઈનીઝ દોરીથી એક કિશોર ઈજાગ્રસ્ત થયો હતો. ગળાના ભાગે દોરી વાગતા કિશોરને થઇ ઇજા પહોંચી છે. ટુ વ્હીલર પર આગળ કિશોર બેઠો હતો. જમાલપુર રિવરફ્રન્ટ રોડથી પસાર થતી વખતે આ દૂર્ઘટના સર્જાઈ છે. ઉત્તરાયણ નજીક આવતા જ દોરી વાગવાના કિસ્સાઓ વધી રહ્યાં છે. ચાઈનીઝ દોરી લોકો માટે જીવલેણ બની છે.
સળગતા સવાલ
ચાઈનીઝ દોરી પર પ્રતિબંધ હોવા છતાં કેમ વેચાય છે?
રાજ્યમાં ચાઈનીઝ દોરીના પ્રતિબંધ પર અમલવારી ક્યારે?