મસાલો લેવા આવેલા યુવકે મોબાઈલમાં વિડીયો ઉતારવાની ના પાડી માથાકૂટ કરી ગાળાગાળી કરી અને ફોનમાં દુકાનદારના ટાંટિયા ભાંગી જાનથી મારી નાખવાની ધમકી આપી હોવાનો વિડીયો વાયરલ
રાજકોટના વીંછીયામાં પાન-મસાલા બાબતે ધમકી
પાન-મસાલાના ભાવ બાબતે જાનથી મારી નાંખવાની ધમકી
દશરથ ભરવાડ નામના શખ્સે આપી મારી નાંખવાની ધમકી
ઓડિયો અને વીડિયો સોશિયલ મીડિયામાં વાયરલ
રાજકોટ જિલ્લામાં અસામાજીક તત્વોના આતંકથી લોકો પરેશાન હોવાની ઘટના સામે આવી છે. રાજકોટના વીંછીયામાં પાન-મસાલા બાબતે એક વ્યક્તિને ધમકી આપ્યાની ઘટના સામે આવી છે. વિગતો મુજબ સ્થાનિક દુકાનદાર પાસે એક વ્યક્તિ મસાલો લેવા આવ્યા બાદ તકરાર થઈ હતી. જેથી દુકાનદારે સમગ્ર ઘટનાનો વિડીયો ઉતારી લીધો હતો. આ દરમ્યાન મસાલો લેવા આવેલા યુવકે મોબાઈલમાં વિડીયો ઉતારવાની ના પાડી માથાકૂટ કરી જાનથી મારી નાખવાની ધમકી આપી હતી.
પાન-મસાલાના ભાવ બાબતે જાનથી મારી નાખવાની ધમકી
રાજકોટના વીંછીયામાં પાન-મસાલાના ભાવ બાબતે જાનથી મારી નાખવાની ધમકી આપી હોવાની ઘટનાને લઈ ચકચાર મચી ગઈ છે. પ્રાથમિક વિગતો મુજબ રાજકોટના દેવધરી ગામના હરજીભાઈ બાવળિયાની દુકાને એક વ્યક્તિ મસાલો(માવો) લેવા આવ્યો હતો. જ્યાં કોઈ કારણોસર મસાલાના ભાવને લઈ તકરાર કરી હતી. જેથી હરજીભાઈએ પોતાના મોબાઈલમાં વિડીયો ઉતારી લીધો હતો. જેઆ તરફ વ્યક્તિ વિડીયો નહીં ઉતારવાની સાથે ગાળો બોલી જયાંથી મારી નાખવાની ધમકી આપી હોવાનું હરજીભાઈએ જણાવ્યું છે.
તકરારનો ઓડિયો અને વીડિયો સોશિયલ મીડિયામાં વાયરલ
રાજકોટના દેવધરી ગામના હરજીભાઈ બાવળિયાની દુકાને આવેલ એક ઇસમે મસાલા(માવા)ના ભાવ બાબતે તકરારનો વિડીયો હાલ સોશિયલ મીડિયામાં વાયરલ થઈ રહ્યો છે. જે બાદમાં દશરથ ભરવાડ નામના વ્યક્તિએ હરજીભાઈને ફોન કરી ટાંટિયા ભાંગી નાખવાની અને જાનથી મારી નાખવાની ધમકી આપી હતી. આ તરફ હવે હરજીભાઈએ ઈસમ સામે કાયદેસરની કાર્યવાહી કરવા પોલીસમાં અરજી આપ્યાનું સામે આવ્યું છે.