હિમાચલ પ્રદેશના લાહૌલ સ્પીતિ જિલ્લાના ઉંચાઈ વાળા વિસ્તારમાં મંગળવારે હિમપાત થયો છે. જ્યાં પર સ્પીતિ ઘાટીની ઓફિસો અને ઘરો પર બરફની ચાદર છવાઈ ગઈ છે.
હિમાચલ પ્રદેશ બન્યું ઠંડુગાર
ચારેતરફ બરફની ચાદર છવાઈ
વરસાદ અને વિજળીના કડાકા થવાની ચેતવણી
હિમાચલ પ્રદેશના લાહૌલ સ્પીતિ જિલ્લાના ઉંચાઈ વાળા વિસ્તારમાં મંગળવારે હિમપાત થયો છે. જ્યાં પર સ્પીતિ ઘાટીની ઓફિસો અને ઘરો પર બરફની ચાદર છવાઈ ગઈ છે. જેને લઈને કાઝા શહેરમાં વાતાવરણમાં ઠંડક પ્રસરતા મોટી બરફની ચાદર છવાઈ ગઈ હતી. તો વળી લાહૌલ-સ્પીતિના રહેણાંક વિસ્તારમાં પણ ભારે બરફવર્ષા થતાં લોકોમાં ચિંતા વધી ગઈ છે. બરફવર્ષાથી લાહૌલ સ્પીતિ જિલ્લામાં ભારે તકલીફો આવી છે.
ચારેતરફ બરફની ચાદર છવાઈ
તો વળી રસ્તા પર બરફ પડવાના કારણે લપસી જવાનો ખતરો પણ ખૂબ વધ્યો છે. જ્યાં પર મંગળવારે હવામાન જોતા જિલ્લા પ્રશાસને સહેલાણીઓને અટલ ટનલ રોહતાંગ તથા જલોડી તરફ ન જવાની સૂચના આપી છે. ત્યારે આવા સમયે પર્યટકોએ બરફમાં ખૂબ મસ્તી કરી હતી. સહેલાણીઓની સંખ્યામાં પણ ખૂબ વધારો થઈ રહ્યો છે. આ દરમિયાન જિલ્લા પ્રશાસને કોઈ પણ ત્રાસ્દીને જોતા પર્યટકો તથા સામાન્ય લોકોને 1077 પર ફોન કરી મદદ માગવાની અપીલ કરી હતી.
હિમાચલમાં 25 ફેબ્રુઆરી સુધી ખરાબ રહેશે હવામાન
આપને જણાવી દઈએ કે, મીડિયા રિપોર્ટ્સમાં જણાવ્યા અનુસાર 22-23 ફેબ્રુઆરીએ નિચાણ વાળા વિસ્તારમાં વરસાદ અને મીડિયમથી વધારે ઉંચાઈવાળા વિસ્તારમાં બરફવર્ષા થવાનું અનુમાન છે. 23 ફેબ્રુઆરીએ નિચાણવાળા વિસ્તારમાં ભારે પવન સાથે તોફાન અને આકાશમાંથી વિજળી પડવાની પણ ચેતવણી આપવામાં આવી છે. હિમાચલ પ્રદેશમાં સોમવારથી જ હવામાન ખરાબ થવાની શરૂઆત થઈ ગઈ છે. તો વળી તાપમાનમાં ઘટાડો આવી રહ્યો છે.