સમગ્ર રાજ્યમાં હવામાન વિભાગ દ્વારા કમોસમી વરસાદની આગાહી કરી હતી. ત્યારે સરહદી વિસ્તાર એવા બનાસકાંઠા, કચ્છ, અમરેલી, અરવલ્લી સહિતના જીલ્લાઓમાં કમોસમી વરસાદ વરસતા ખેડૂતોની હાલત કફોડી બનવા પામી છે.
હવામાન વિભાગની આગાહી મુજબ બનાસકાંઠામાં વરસાદ
લાખણી , દીયોદર, થરાદ ડીસા સહીત વિસ્તારમાં વરસાદ
લાખણી પંથકમાં કરા સાથે વરસાદ ખાબક્યો
સતત વરસાદ પડતા ખેડૂતોના પાકને ભારે નુક્સાન
રાજ્યનાં કેટલાક જીલ્લાનાં વાતાવરણમાં પલ્ટો આવ્યો છે. ત્યારે બનાસકાંઠામાં કેટલાક વિસ્તારોમાં વરસાદી માવઠું પડવા પામ્યું છે. જેમાં દિયોદર, થરાદ, ડીસા સહિતનાં તાલુકામાં માવઠું પડવા પામ્યું છે. લાખણી પંથકમાં કરા સાથે વરસાદ પડવા પામ્યો છે. ત્યારે વારંવાર માવઠાથી ખેડૂતોની હાલત કફોડી બનવા પામી છે. કમોસમી વરસાદનાં કારણે બનાસકાંઠામાં મોટા પ્રમાણમાં ખેતીને નુકશાન થવા પામ્યું છે.
અંબાજીમાં ફરીથી વરસાદની ધમાકેદાર એન્ટ્રી
અચાનક વાતાવરણમાં પલટો આવતા પંથકમાં વરસાદ
ભારે પવન સાથે વરસાદ આવતા દુકાનો બંદ કરવાની પરિસ્થિતિ
બસ સ્ટેન્ડના શોપિંગ સેન્ટરની દુકાનમાં પાણી
10 મિનિટના વરસાદમાં રોડ પર પાણી પાણી
મેન બજારના રોડ પર પાણીનું વહેણ
અંબાજીમાં ફરીથી વરસાદની ધમાકેદાર એન્ટ્રી થવા પામી હતી. ત્યારે અચાનક વાતાવરણમાં પલ્ટો આવતા પંથકમાં વરસાદી માહોલ છવાયો હતો. ભારે પવન સાથે વરસાદ આવતા દુકાનો બંદ કરવાની પરિસ્થિતિ સર્જાઈ હતી. બસ સ્ટેન્ડનાં શોપિંગ સેન્ટરની દુકાનમાં પાણી ભરાઈ જવા પામ્યા હતા. 10 મિનિટમાં વરસાદમાં રોડ પર પાણી પાણી થઈ ગયું હતું. મેઈન બજારમાં રોડ પર પાણી જ પાણી થઈ જવા પામ્યું હતું.
બનાસકાંઠામાં ફરી કમોસમી વરસાદ
ડીસાના અનેક વિસ્તારોમાં કરા સાથે વરસાદ
વારંવાર કરાનો વરસાદ થતાં ખેડૂતોને નુકસાન
શક્કરટેતી, તડબૂચ, ઘઉં સહિતના પાક ને નુકસાન
બનાસકાંઠાનાં થરાદ, ડીસા દિયોદર સહિતનાં વિસ્તારોમાં ગાજવીજ સાથે ધોધમાર વરસાદ પડ્યો હતો. ત્યારે ડીસાના અનેક વિસ્તારોમાં કરા સાથે વરસાદ વરસવા પામ્યો હતો. વારંવાર કરાનો વરસાદ થતાં ખેડૂતોને નુકશાન સહન કરવાનો વારો આવ્યો છે. તેમજ ભરઉનાળે થરાદમાં વરસાદી માહોલ છવાયો છે. વરસાદનાં કારણે બસ સ્ટેન્ડ અને રસ્તાઓ પર વરસાદી પાણી ભરાઈ જવા પામ્યા હતા.
હવામાન વિભાગની આગાહીનાં પગલે સરહદી વિસ્તારોમાં વરસાદી માહોલ છવાતા ખેડૂતનો જીવ પડીકે બંધાઈ જવા પામ્યો છે. અગાઉ પડેલ વરસાદનાં કારણે ખેડૂતોને મોટાપાયે નુકશાન વેઠવાનો વારો આવ્યો હતો. ત્યારે સરહદી વિસ્તારમાં ઈસબગુલનાં પાકને સંપૂર્ણ નુકશાન થવા પામ્યું છે. વરસાદી માહોલને લઈ ખેડૂતોની ચિંતામાં વધારો થવા પામ્યો છે.
કચ્છમાં વાદળછાયું વાતાવરણ
કચ્છમાં વહેલી સવારથી જ વાદળછાયું વાતાવરણ છવાયું હતું. ત્યારે નખત્રાણા તેમજ લખપત તાલુકામાં કમોસમી વરસાદ વરસવા પામ્યો છે. આગામી 2 દિવસ હવામાન વિભાગ દ્વારા વરસાદની આગાહી કરવામાં આવી હતી. ત્યારે કમોસમી વરસાદની આગાહીનાં પગલે ખેડૂતોમાં ચિંતા જોવા મળી રહી છે. રાપરના ખેંગારપર,રામવાવ સહિતના વિસ્તારોમાં ભારે પવન સાથે વરસાદ પડ્યો છે. ત્યારે પશ્ચિમ કચ્છ બાદ હવે પૂર્વ કચ્છમાં ધોધમાર વરસાદ વરસવા પામ્યો છે.
લખપત તાલુકામાં કમોસમી વરસાદ
આગામી 2 દિવસ વરસાદની આગાહી
અમરેલી જિલ્લામાં વરસાદી વાતાવરણ
વરસાદી વાતાવરણથી ખેડૂતો ચિંતામાં
કમોસમી વરસાદથી ઉભા પાકને નુકસાનની ભીતિ
અમરેલી જીલ્લામાં વરસાદી વાતાવરણ સર્જાયું હતું. ત્યારે વરસાદી વાતાવરણથી ખેડૂતોની ચિંતામાં વધારો થવા પામ્યો હતો. કમોસમી વરસાદથી ઉભા પાકને નુકશાનની ભીંતી ખેડૂતો સેવી રહ્યા છે.
રણકાંઠાને અડીને આવેલા પાટણ જીલ્લાનાં સાંતલપુર તાલુકાનાં રણ વિસ્તારમાં ભારે પવન સાથે વરસાદ વરસવા લાગ્યો હતો. ત્યારે વરસાદી ઝાપટાનાં કારણે રણમાં મીઠું પકવતા અગરિયાઓને નુકશાન થવા પામ્યું હતું.
સાબરકાંઠા જિલ્લાના વાતાવરણમાં પલટો
હિંમતનગર સહિતના વિસ્તારોમાં કમોસમી વરસાદ
કમોસમી વરસાદથી ખેતરમાં પાકને નુકસાનની ભીતિ
ફરી કમોસમી વરસાદને લઈ ખેડૂતો ચિંતામાં
સાબરકાંઠા જીલ્લાનાં વાતાવરણમાં પલ્ટો આવવા પામ્યો છે. જેમાં હિંમતનગર સહિતના વિસ્તારોમાં કમોસમી વરસાદ વરસવા પામ્યો છે. વહેલી સવારથી જ વાદળછાયું વાતાવરણ સર્જાયું હતું. કમોસમી વરસાદથી ખેતરમાં પાકને નુકશાનની ભીંતી સેવાઈ રહી છે. ત્યારે ફરી કમોસમી વરસાદને લઈ ખેડૂતો ચિંતામાં મુકાઈ જવા પામ્યા છે.