પૂર્વિય અમેરિકામાં હિમવર્ષાનો કહેર વર્તાઈ રહ્યો છે. જેનાથી કરોડો લોકો પ્રભાવિત થયા છે. રસ્તાઓ પર બરફના મોટા મોટા ટુકડા વિખરાયેલા પડ્યા છે.
પૂર્વિય સંયુક્ત રાજ્ય અમેરિકામાં શનિવારે બરફના તોફાનના કારણે જનજીવન અસ્ત વ્યસ્ત થઈ ગયું હતું. તોફાનના કારણે આ વિસ્તારના લગભગ સાત કરોડ જેટલા લોકોને વિજળી કાપનો સામનો કરવો પડી રહ્યો છે. વાહનવ્યવહાર પણ પ્રભાવિત થયો છે. નેશનલ વેદર સર્વિસે તેના માટે એલર્ટ પણ જાહેર કર્યું છે.
સાઈક્લોનની અસર વર્તાઈ
આ તોફાનનું સૌથી વધારે પ્રભાવ ન્યૂયોર્ક અને બોસ્ટન જેવા શહેરોમાં જોવા મળ્યો હતો. તોફાનની અસર જોતા નેશનલ વેદર સર્વિસે શનિવારે બમ સાઈક્લોનની પુષ્ટિ કરી હતી. જણાવી દઈએ કે, બમ સાઈક્લોનનો પ્રભાવ ખૂબ જ ઝડપથી વધી રહ્યો છએ. આ સાઈક્લોન ત્યારે બને છે, જ્યારે પૃથ્વીના પડ પરની હવા વાયુમંડળમાં ઝડપથી ઉપર આવે છે.
3500 જેટલી ફ્લાઈટ રદ કરી
મૈસાચુસેટ્સના અમુક વિસ્તારમાં ત્રણ ફૂટનો બરફ જામી ગયો છે. લગભગ 117,000 ઘરોમાં વિજળી બંધ છે. તટિય વિસ્તારમાં દિવસના અંત સુધી એક ફૂટથી વધારેનો બરફ પડવાની આશા હતી. ન્યૂયોર્ક, ન્યૂ જર્સી અને બોસ્ટનમાં તોફાનને જોતા ઈમરજન્સી જાહેર કરીને લોકોને ઘરોમાં રહેવાની સલાહ આપવામાં આવી છે. શનિવાર માટે 3500થી વધારે ફ્લાઈટ રદ કરી દેવામાં આવી હતી.
ગામડા અને શહેરોના લોકોને એલર્ટ કર્યા
ફ્લોરિડામાં દક્ષિણમાં NWSમાં ઠંડી લહેરનું એલર્ટ જાહેર કરી દેવામાં આવ્યું હતું. તોફાનના કારણે પૂર્વિય સમુદ્રી તટ પરના ગામડા અને શહેરોના લોકોને સતર્ક કરવામાં આવ્યા છે કે, તે પોતાના ઘરોમાં જ રહે અને કોઈ પણ કામ વગર બહાર નિકળવાનું ટાળે. અધિકારીઓએ કહ્યુ કે, હિમવર્ષાના તોફાનની વચ્ચે એક મહિલા તેની કારમાં મૃત જોવા મળી હતી.
ન્યૂ યોર્કમાં રસ્તા પર બરફના ટુકડા પડ્યાં
મૈનહટ્ટનના ઉત્તરમાં દશ ઈંચ બરફ પડ્યો હતો. રેલ લાઈનો આંશિક રીતે બંધ કરી દેવામા આવી હતી. ન્યૂયોર્ક શહેરના રસ્તા પર બરફના ટુકડાઓ પડ્યા હતા. ન્યૂયોર્ક અને ન્યૂ જર્સીમાં લોકોને મુસાફરી કરવાની ના પાડવામાં આવી છે.