કોઇ પણ વ્યક્તિ કોરોના પોઝિટીવ છે કે નહી તે જાણવા સ્નિફર ડોગ થશે ઉપયોગી. RTPCR ટેસ્ટ નહી કરવો પડે
સ્નિફર ડોગ ઓળખી બતાવશે કોરોના સંક્રમિતને
RTPCR ટેસ્ટ કરવાની નહી રહે જરુર
અમેરિકામાં બન્યુ આ શક્ય
આપે સ્નિફર ડોગ જોયા હશે. શંકાસ્પદ વસ્તુઓ અને વ્યક્તિઓ તથા પર્વતો પર બરફમાં દટાયેલા લોકોને શોધવા જેવા મહત્વના કાર્યો કરે છે. સેના અને પોલીસ દ્વારા સ્નિફરડોગ્સનો ઉપયોગ કરવામાં આવે છે ત્યારે હવે આ ડોગ કોવિડ પોઝિટીવ દર્દીઓેને ઓળખવામાં મદદરુપ નીવડશે. સાંભળીને તમને નવાઇ લાગશે પરંતુ આ શક્ય બન્યુ છે યુએસએમાં. યુએસમાં ખાસ પ્રશિક્ષિત શ્વાન પણ હવે કોવિડ પોઝિટિવ દર્દીઓને ઓળખવા લાગ્યા છે.
RTPCR ટેસ્ટની જરુર નહી
ભગવાને કુતરાઓને સૂંઘવાની અદ્ભુત ક્ષમતા આપી છે. આના આધારે તેઓ મનુષ્યોને જોખમમાંથી બચાવવા માટે પોતાનો જીવ આપી દે છે. અમે અહીં અમેરિકાના આવા સ્નિફર ડોગ્સની વાત કરી રહ્યા છીએ જે વૈશ્વિક મહામારી કોરોનાથી સંક્રમિત વ્યક્તિની ઓળખ કરી બતાવે છે. યુએસમાં ખાસ પ્રશિક્ષિત શ્વાન પણ હવે કોવિડ પોઝિટિવ દર્દીઓને ઓળખવા લાગ્યા છે. જો તેઓએ તમારામાં કોરોના વાયરસની પુષ્ટિ કરી હોય તો તમારે RTPCR ટેસ્ટ કરાવવાની જરૂર નથી. તેઓ સુંઘવાની દિવ્ય શક્તિના આધારે કોવિડ-19ની પુષ્ટિ કરી રહ્યા છે.
2019-2020માં આ સર્ચ ઓપરેશન શરુ કર્યુ
મીડિયા રિપોર્ટ્સ અનુસાર અમેરિકામાં કેન્સર, ડાયાબિટીસ અને પાર્કિન્સન્સ જેવી બીમારીઓને ઓળખવા માટે સ્નિફર ડોગ્સનો પણ ઉપયોગ કરવામાં આવી રહ્યો છે. આ પ્રક્રિયાને 'બાયોડિટેક્શન' અથવા જૈવિક તપાસ કહેવામાં આવે છે. આ પદ્ધતિમાં રોગની તપાસમાં કોઈપણ રસાયણોનો ઉપયોગ કરવાની જરૂર નથી. 2019-20માં જ્યારે કોરોના મહામારી ફેલાઈ ત્યારે અમેરિકન વૈજ્ઞાનિકોએ કોરોનાની તપાસમાં સર્ચ ડોગ્સની સેવાઓનો ઉપયોગ કરવાનું શરૂ કર્યું હતુ હવે તેમાં સફળતા મળી છે.
કોરોના સંક્રમિતોને કેવી રીતે ઓળખે છે ડોગ
યુએસ સરકારના નેશનલ સેન્ટર ફોર બાયોટેક્નોલોજી ઇન્ફોર્મેશન (NCBI)નું કહેવું છે કે શ્વાન તેમની સુંઘવાની શક્તિથી 1.5 ટ્રિલિયનમાં પદાર્થ શોધી શકે છે. જ્યારે કોઈ વ્યક્તિ બીમાર પડે છે ત્યારે તેના શરીરમાંથી ખાસ પ્રકારના વોલેટાઈલ ઓર્ગેનિક કમ્પાઉન્ડ્સ એટલે કે (VOCs) નીકળે છે. આવી સ્થિતિમાં, જ્યારે કોઈ વ્યક્તિ કોરોનાથી સંક્રમિત થાય છે, ત્યારે આ કૂતરા તેના શરીરમાંથી આવતી ખાસ ગંધને ઓળખે છે. જેને બાયો ડિટેક્શન ડોગ્સ કહેવામાં આવે છે.