OMG / હેલ્મેટ પહેરીને મુસાફરી કરતા હોવ તો આ કિસ્સો જાણી લો, શિક્ષક સાથે જે બન્યું તે...

• શિક્ષકના હેલ્મેટમાંથી નીકળ્યો ઝેરી સાપ
• માંથામાં ખંજવાળ આવતા ખબર પડી કે હેલ્મેટની અંદર કાંઇ છૂપાયેલું છે. 
• ઓક્સિજન નહીં મળતા સાપ મૃત્યું પામ્યો હતો, 

હા, આવી જ એક ઘટના કેરળમાં બની હતી, જ્યાં સ્કૂલ ટીચર હેલ્મેટ પહેરીને સ્કૂટર ચલાવી રહ્યો હતો તેના હેલ્મેટની અંદર જ સાપ બેઠો હતો. વ્યવસાયે શાળાના શિક્ષક રણજિત, હેલ્મેટ પહેરીને દરરોજની જેમ જ શાળાએ 11 કિલોમીટરની મુસાફરી કરીને પહોંચ્યા હતા. અચાનક તેને માથામાં ખંજવાળ આવી હતી. જ્યારે તેમણે તેમનું હેલ્મેટ ઉતાર્યું અને જોયું તો આશ્ચર્ય ચકિત થયાં હતા. 

હેલમેટમાં છૂપાયો હતો સાપ 

રંજીતે પોતાના માથા પર રહેલું હેલમેટ ઉતારીને જોયું તો તેમા સાપ બેઠો હતો અને તેની પૂંછડી બહાર દેખાઇ રહી હતી. જો કે, હેલમેટની અંદર ઓક્સિજન નહીં મળવાને કારણે સાપનું મોત નિપજ્યું હતુ. આ જોઇને શાળાના અન્ય કર્મચારીઓ પણ તાત્કાલિક અસરથી દોડી આવ્યા હતા અને સાપને બહાર કાઢ્યો હતો. 

સંસ્કૃતના શિક્ષક છે રણજીત 

નોંધનીય છે કે, સંસ્કૃતના શિક્ષક રણજીતે કહ્યું કે જ્યારે તે હેલ્મેટ પહેરીને ઘરની બહાર આવ્યો ત્યારે તેને ખબર નહોતી કે હેલ્મેટમાં અંદર સાપ છે. તેણે કહ્યું કે હેલ્મેટ પહેર્યા પછી પણ તેમને ક્યારેય એવું લાગ્યું નહીં કે હેલ્મેટની અંદર કંઇક છે.

હેલ્મેટમાંથી સાપ મળ્યા બાદ રંજીતને નજીકના દવાખાને ખસેડાયો

મરેલા સાપને જોઇને જણાવ્યું કે, તે કરૈત પ્રજાતિનો સાપ છે. આપને જણાવી દઇએ કે, આ પ્રજાતિનો સાપ ખુબ જ ઝેરી હોય છે. જો કે, હેલ્મેટમાંથી સાપ મળ્યા બાદ રંજીતને તાત્કાલિક અસરથી નજીકના દવાખાને ખસેડવામાં આવ્યો હતો. જ્યાં ડોક્ટરે તપાસ કરીને જણાવ્યું કે તેને સાપનું ઝેર ચડ્યું નથી કે સાપે કોઇ નુકસાન પહોંચાડ્યું નથી.