સ્નેકમેન / વડોદરાના આ સ્નેકમેનનો દાવો, સાપના ઝેરની થતી નથી અસર, હાથ પર ડંખ મરાવ્યા...

સાપનો ડંખ પોતાના હાથ પર મરાવી રહ્યો છે

આ વ્યક્તિને કે જે ઝેરી સાપની સાથે રમત કરી રહ્યો છે. ઘાસની ઝાડીમાંથી સાપની પૂંછડી પકડીને સાપને બહાર કાઢી રહ્યો છે. ત્યારબાદ સાપને પોતાના હાથમાં પકડીને સાપનું મોઢું દબાવી રહ્યો છે. આ કોઈ રમતનો ખેલ નથી તેમ છતાં આ વ્યક્તિ સાપનો ડંખ પોતાના હાથ પર મરાવી રહ્યો છે. આ સાપે એકવાર તો તેના હાથ પર દંશ મારી પણ દીધો છે. આવી રીતે સાપને પોતાના હાથમાં જોખમી રીતે પકડીને જાણેકે સ્ટંટ કરતો હોય તેવું લાગી રહ્યું છે. કોને છે આ વ્યક્તિ અને સાપ સાથે કેમ આવી રીતે રમત કરી રહ્યો છે? શું તેને નથી થતી સાપના ઝેરની અસર? શું તેને સાપના દંશનો નથી લાગતો ડર? આવા અનેક સવાલો અહીં ઉભા થઇ રહ્યા છે. આવો જાણીએ કોણ છે આ વ્યક્તિ અને કેમ આવા જોખમી રીતે સાપને પકડી રહ્યો છે?

વાઈલ્ડ લાઈફ રેસ્ક્યુ ટીમના સભ્ય પણ છે

વાયરલ થયેલો વિડિયો વડોદરાના વાઘોડિયા તાલુકાના આમોદર ગામની નવીનગરી વિસ્તારમાં રહેતા બાબરભાઈ ડાભીનો છે. અમે ટીમની શોધમાં આમોદર ગામમાં પહોંચ્યા હતા. અહીં પરિવાર સાથે રહેતા બાબરભાઈ ડાભી વર્ષોથી સાપ પકડવાનું કામ કરે છે. વાઈલ્ડ લાઈફ રેસ્ક્યુ ટીમના સભ્ય પણ છે. તેમને સાપ પકડાવાની ટેક્નિક શીખેલી છે અને કોઈપણ પ્રકારના સાધન વગર સીધો જ સાપને પકડી શકી છે. મહત્વની વાત તો એ છે કે બાબરભાઈને કોઈપણ સાપના ઝેરની અસર જ નથી થતી તેવો તેમનો દાવો છે. આજ સુધીમાં ત્રણ વખત તેમને સાપે દંશ માર્યા છે પણ તેમને કોઈજ અસર થઇ નથી. આ વાયરલ થયેલા વિડીયો પણ પોતાનો હોવાનું તેમણે જણાવ્યું હતું.

ઝેરી પ્રાણી પકડે તે વન વિભાગને સોંપી દેવામાં આવે છે

વર્ષોથી સાપ પકડવાનું કામ કરતા બાબરભાઈ આજે આખા પંથકમાં જાણીતા બની ગયા છે. કોઈ પણ ઘરમાં ઝેરી કે બિન ઝેરી સાપ, ઘો કે અન્ય પ્રાણી નીકળે તો લોકો બાબરભાઈને બોલાવે છે અને બાબરભાઈ તેને આસાનીથી પકડી લે છે. બાબરભાઈ વડોદરાની વાઇલ્ડ લાઈફ રેસ્ક્યુ સંસ્થાના સભ્ય છે જે પણ ઝેરી પ્રાણી પકડે તે વાઇલ્ડલાઇફ સંસ્થાના માધ્યમથી વન વિભાગને સોંપી દેવામાં આવે છે. જોકે બાબરભાઈ લોકોને સમજાવે છે કે કોઈએ આવી રીતે સાપને પકડવો નથી આ બાબત જોખમી છે. સાપ પકડાવાનીએ એક ટેકનીક હોય છે અને પોતાને સાપના ઝેરની અસર નથી થતી એટલે તે પકડે છે પણ લોકો એ આવું ન કરવું જોઇએ.

સાપને પકડવો તે ડાબા હાથનો ખેલ છે પરંતુ...

આમોદરગામ રહેતા બાબરભાઈ માટે સાપને પકડવો તે ડાબા હાથનો ખેલ છે. જોકે લોકો માટે આ બાબત ખુબજ જોખમી અને જીવલેણ પણ છે. ત્યારે ગામમાં કોઈના પણ ઘરે ઝેરી સાપ કે પ્રાણી આવી જાય તો લોકો બાબરભાઈને યાદ કરે છે અને બાબરભાઈ આવા પ્રાણીઓને પકડી લે છે. તેમની આ સેવાના કારણે લોકો બાબરભાઈને યાદ કરે છે અને બાબરભાઈ આ કામ માટે હંમેશા હાજર હોય છે. તેઓ આજીવન આ કામ કરવા માટે તત્પર છે.

આમ જોખમી રીતે ઝેરી સાપને અડકવું નથી

સોશિયલ મીડિયામાં વાયરલ થયેલો વિડીયો આમોદર ગામનો છે અને આને અહીં રહેતા બાબરભાઈનો આ વિડીયો છે. બાબર ભાઈને સાપના ઝેરની અસર નથી થતી તેવો તેમનો દાવો છે. તેના કારણે તેઓ જોખમી રીતે સાપને પકડી રહ્યાં છે. એટલે વાયરલ થયેલા વિડીયોની હકીકત સાચી છે અને આ વિડીયો બે દિવસ પહેલા જ બનાવવામાં આવેલો હોવાનુ બહાર આવ્યું છે. જોકે વીટીવી દર્શકોને અપીલ કરે છે કે આવા જોખમી રીતે ઝેરી સાપને અડકવું નથી.