ભારતીય મહિલા ટીમની ઓપનર સ્મૃતિ મંધાનાને ICC વુમન વનડે અને T-20 ટીમ ઓફ ધ યરમાં સ્થાન મળ્યું છે. ઇન્ટરનેશનલ ક્રિકેટ કાઉન્સિલ દ્વારા (ICC) મંગળવારે એન્યુનલ એવોર્ડ્સ જાહેરાત કરવામાં આવી.
ઝૂલન ગોસ્વામી, પૂનમ યાદવ અને શિખા પાંડે ને વનડે ટીમ ઑફ ધ યરમાં શામેલ કરવામાં આવ્યા
દીપ્તિ શર્માને T-20 ટીમ ઓફ ધ યરમાં સ્થાન મળ્યુ
આ સિવાય ઓસ્ટ્રેલિયાની એલિસા પેરીને વુમન ક્રિકેટર ઓફ ધ યર તરીકે પસંદ કરવામાં આવી હતી. આ માટે તેને રેસેલ હેહો-ફ્લિન્ટ એવોર્ડ આપવામાં આવ્યો હતો. તેને વનડે ક્રિકેટર ઓફ ધ યરનો એવોર્ડ આપવામાં આવ્યો હતો.
સ્મૃતિ મંધાનાની સાથે સાથે વુમેન્સ ટીમ ઇન્ડિયાની ફાસ્ટ બોલર ઝૂલન ગોસ્વામી, પૂનમ યાદવ અને શિખા પાંડેને ટીમમાં સ્થાન મળ્યું હતું. તેમજ T-20 ટીમમાં મંધાનાની સાથે દીપ્તિ શર્માને પણ જગ્યા મળી છે.
23 વર્ષીય સ્મૃતિ મંધના વુમેન્ટ ટીમ ઇન્ડિયા માટે 2 ટેસ્ટ, 51 વનડે અને 66 T-20 રમી છે. તેણે વનડે અને T-20માં કુલ 3476 રન કર્યા છે.
એલિસા હેલી T-20 ક્રિકેટર ઓફ ધ યર બની
ઓસ્ટ્રેલિયાની મેગ લેનિંગ વનડે અને T-20 ટીમ ઓફ ધ યરની કેપ્ટન જાહેર થઇ હતી. તેની હમવતન એલિસા હેલી T-20 ક્રિકેટર ઓફ ધ યર તરીકે પસંદ થઇ હતી. તેણે આ વર્ષે શ્રીલંકા સામે 148 રનની ઇનિંગ્સ રમી હતી. પેરીએ 73.50ની એવરેજથી 441 રન કર્યા છે અને 21 વિકેટ ઝડપી છે. થાઈલેન્ડની ચાનિડા સથિરૂઆંગને ઈમર્જિંગ ક્રિકેટર ઓફ ધ યરનો એવોર્ડ મળ્યો હતો. તેણે T-20 વર્લ્ડ ક્વાલિફાયરમાં 12 વિકેટ લીધી હતી.