લોકસભા ચૂંટણીનાં ચાર તબક્કા પૂરા થઈ ગયાં પછી હવે લડાઈ પાંચમા તબક્કા માટે છે. 6મેનાં રોજ થનારા મતદાનમાં ઘણી VIP બેઠકો માટે મતદાન થશે. આ બેઠકમાં ઉત્તરપ્રદેશની અમેઠી બેઠક પણ છે. અહીં કોંગ્રેસ અધ્યક્ષ રાહુલ ગાંધી માટે તેમની બહેન પ્રિયંકા ગાંધીએ અભિયાન હાથમાં લીધું છે. પરંતુ આજે પ્રચાર સમયે પ્રિયંકા ગાંધી વિવાદમાં ફસાયા છે અને આ મામલે સ્મૃતિ ઈરાનીએ પ્રિયંકા પર વાર કર્યા હતાં.
લોકસભા ચૂંટણીનાં ચાર તબક્કા પૂરા થઈ ગયાં પછી હવે લડાઈ પાંચમા તબક્કા માટે છે. 6મેનાં રોજ થનારા મતદાનમાં ઘણી VIP બેઠકો માટે મતદાન થશે. આ બેઠકમાં અમેઠી બેઠકનો સમાવેશ થાય છે. આ બેઠક પર રાહુલ ગાંધી અને સ્મૃતિ ઈરાની વચ્ચે ટક્કર થવાની છે. પ્રચાર દરમિયાન પ્રિયંકા ગાંધી વિવાદમાં આવ્યાં છે. નાના બાળકો પાસે પ્રિયંકા ગાંધી ઉભા હતાં તે સમયે બાળકોએ 'ચોકીદાર ચોર હૈ'ની નારેબાજી કરી હતી.
આ ઉપરાંત પ્રધાનમંત્રી પર અપશબ્દો પણ બાળકોએ બોલ્યાં હતાં. આ મામલે સ્મૃતિ ઈરાનીએ વિરોધ નોંધાવ્યો હતો. સ્મૃતિ ઈરાનીએ સવારે એક ટ્વિટ કરી હતી. તેમાં તેમણે એક વીડિયો શેર કરતાં લખ્યું કે, જુઓ પ્રધાનમંત્રીને કેટલું સહન કરવું પડે છે. આ વીડિયોમાં બાળકો પ્રિયંકાની હાજરીમાં મોદીને અપશબ્દો બોલતા નજરે પડ્યાં હતાં. આ વિશે સ્મૃતિ ઈરાનીએ સવાલ ઉભા કર્યા છે.
જો કે આ વાતમાં એક ટ્વિસ્ટ પણ સામે આવ્યો છે અને સ્મૃતિ સામે સવાલ ઉભા થયાં છે. સ્મૃતિ ઈરાનીએ જે વીડિયો પોસ્ટ કર્યો છે તે અડધો છે. જો તે આખો વીડિયો જોવામાં આવે તો જ્યારે બાળકો મોદી માટે અભદ્ર ભાષાનો ઉપયોગ કરે છે, ત્યારે પ્રિયંકા તેમને તુરંત ટોકે છે અને પ્રિયંકાની સાથે ઉભા રહેલાં લોકો પણ બાળકોને આવી નારેબાજી કરતાં રોકી રહ્યાં છે. પ્રિયંકા બાળકોને સમજાવે છે કે, આવું નહીં, આ સારું નથી, સારા બાળકો બનો.
ત્યાર પછી બાળકો રાહુલ ગાંધી જિંદાબાદનાં નારા લગાવવાનું શરૂ કરે છે. ટ્વિટર પર હાલમાં આ વીડિયો ખૂબ વાયરલ થઈ રહ્યો છે. સ્મૃતિ ઈરાની આ વખતે ફરી અમેઠીથી રાહુલ ગાંધીની સામે ચૂંટણી લડી રહ્યાં છે. 2014માં આ બેઠક પરથી રાહુલ ગાંધીની સામે હારી ગયા હતાં. રાહુલ ગાંધી સમગ્ર દેશમાં પ્રચાર કરી રહ્યાં છે. તેથી પ્રિયંકાએ અમેઠીની કમાન સંભાળી છે.