રાજકારણ / રાહુલ પર સ્મૃતિ ઈરાનીનો પલટવાર, જે ઉત્તર ભારતનું અપમાન કરી રહ્યા છે સોનિયા ગાંધી ત્યાંથી જ સાંસદ છે

• રાહુલ ગાંધીએ જે વાત કરી છે તે માફ કરવા લાયક નથી- સ્મૃતિ
• દક્ષિણમાં રાજનીતિ ચમકાવવાનો પ્રયાસ- સ્મૃતિ
• પહેલા ગુજરાતનું કર્યુ હતુ અપમાન- સ્મૃતિ

રાહુલ ગાંધીએ જે વાત કરી છે તે માફ કરવા લાયક નથી- સ્મૃતિ

રાહુલના નિવેદન પર ધમાસાણ ચાલુ છે. ગાંધી પરિવાર પર નિશાન સાધતા સ્મૃતિ ઈરાનીએ કહ્યું કે ઉત્તર ભારતના લોકો પ્રત્યેની હીન ભાવના છે તો તે ઉત્તર પ્રદેશથી કેમ રાજનીતિ કરી રહ્યા છે. પ્રિયંકા વાડ્રાએ હજું સુધી રાહુલના નિવેદનનું ખંડન કેમ નથી કર્યુ. સ્મૃતિએ કહ્યું કે ગાંધી પરિવાર જ્યારે ફરી અમેઠી આવશે ત્યારે તેમણે આનો જવાબ આપવો પડશે.  સ્મૃતિએ કહ્યું કે રાહુલ ગાંધી જે ઉત્તર ભારતનું અપમાન કરી રહ્યા છે તે જ વિસ્તારમાંથી તેમની માતા સોનિયા ગાંધી પણ સાંસદ છે. તેવામાં રાહુલ ગાંધીએ જે વાત કરી છે તે માફ કરવા લાયક નથી.

દક્ષિણમાં રાજનીતિ ચમકાવવાનો પ્રયાસ

એક ન્યૂઝ ચેનલ સાથે વાત કરતા સ્મૃતિ ઈરાનીએ કહ્યું રાહુલે કહ્યું કે જ્યાંથી તેઓ સાંસદ રહ્યા હતા ત્યાંના લોકો તેટલા બુદ્ધિશાળી નથી. આ એ વાતનો સંકેત છે કે તે કેવા પ્રકારનો દ્વેષ રાખે છે. જે સાંસદીય વિસ્તારે 50 વર્ષ તેમના પરિવારનો સાથ આવ્યો આજે તેઓ તેનું અપમાન કરી રહ્યા છે.  આનાથી વધારે નીચલું રાજકારણ કોઈએ નહીં જોયું હોય.

સ્મૃતિ ઈરાનીએ કહ્યું કે રાહુલને લાગે છે કે ઉત્તર ભારતને અપમાનિત કરી તે દક્ષિણ ભારતમાં પોતાની રાજનીતિને ચમકાવશે. શું પોતાના જ નાગરિકનું અપમાન કોઈ હિંદુસ્તાની કરી શકે છે. હિન્દુસ્તાની લોકોનું અપમાન પોતાનો માણસ કેવી રીતે કરી શકે.

પહેલા ગુજરાતનું કર્યુ હતુ અપમાન

સ્મૃતિએ કહ્યું કે પહેલા આ ગુજરાતનું અપમાન કરતા હતા. જેને કાલે પરિણામોએ સ્પષ્ટ કરી દીધું છે. તેમણે કહ્યું કે ચપ્પુ લગાવનારી બહેનો જે વોટ માંગી રહી છે રાહુલને પહેલા પ્રિયંકાને  જણાવવું જોઈએ કે જે ઉત્તર ભારતના લોકોના વોટ માંગી રહી છે. કેન્દ્રીય મંત્રીએ કહ્યું કે રાહુલે જે શબ્દોનો ઉપયોગ કર્યો તે માફી વાળા નથી.

રાહુલ ગાંધીએ આપ્યું હતું નિવેદન

ઉલ્લેખનીય છે કે વાયનાડના સાંસદ રાહુલ ગાંધીએ ત્રિવેન્દ્રમમાં કહ્યું, 'પહેલા 15 વર્ષ હું ઉત્તરમાં સાંસદ હતો. મને એક અલગ પ્રકારનાં રાજકારણની ટેવ પડી ગઈ છે. મારા માટે કેરળ આવવું ખૂબ જ તાજગીભર્યું હતું કારણ કે મને અચાનક લાગ્યું કે લોકો મુદ્દાઓમાં રુચિ ધરાવે છે અને માત્ર ઉપરછલ્લું જ નહીં, પણ મુદ્દાઓ વિશે વિગતવાર જાણકારી મેળવવામાં રસ ધરાવે છે.'