અમેઠી સીટ પર લોકસભા ચૂંટણી માટે પાંચમા તબક્કાના વોટિંગ હેઠળ વોટ નાંખવામાં આવી રહ્યા છે. અમેઠી દેશની હાઇપ્રોફાઇલ સીટોમાંથી એક છે. આ સીટ પર કુલ 27 ઉમેદવારો કિસ્મત અજમાવી રહ્યા છે.
અમેઠીમાં મતદાન ચાલુ છે. આ વચ્ચે ભાજપ ઉમેદવાર અને કેન્દ્રીય મંત્રી સ્મૃતિ ઇરાનીએ કોંગ્રેસ અધ્યક્ષ અને અમેઠીથી એમના વિરોધી રાહુલ ગાંધી પર મોટો આરોપ લગાવ્યો છે. એમને કહ્યું કે રાહુલ ગાંધી બૂથ કેપ્ચરિંગ માટે અમેઠી આવ્યા છે. આ વાતને લઇને સ્મૃતિએ ચૂંટણી પંચને પણ ટ્વિટ કર્યું છે.
સ્મૃતિએ લખ્યું કે આશા છે કે કોઇ એક્શન લેવામાં આવશે. દેશની જનતાને રાહુલ ગાંદીની આ પ્રકારના રાજકારણ માટે નિર્ણય લેવાનો છે. એને એક વીડિયો પણ ટ્વિટ કર્યો છે.
જો કે કોંગ્રેસે કહ્યું છે કે રાહુલ ગાંધી હાલ હરિયાણામાં છે. જણાવી દઇએ કે 2014 ચૂંટણી દરમિયાન પણ રાહુલ ગાંધીની મતદાન કેન્દ્રની અંદર પણ કેટલાક ફોટો સામે આવ્યા હતા જેને લઇને ખૂબ હોબાળો મચ્યો હતો.