ઓસ્ટ્રેલિયાના બેટ્સમેન સ્ટીવ સ્મિથ અને ઝડપી બોલર પેટ કમિન્સે ICC ની નવી ટેસ્ટ રેન્કિંગમાં પોતાનું પહેલું સ્થાન જાળવી રાખ્યું છે. ઓસ્ટ્રેલિયા અને ઇંગ્લેન્ડની વચ્ચે રમવામાં આવેલી એશિઝ સીરિઝ 2-2થી ડ્રો રહી. આ સીરિઝમાં સ્મિથનું ફોર્મ હંમેશાની જેમ ચર્ચામાં રહ્યું, તો કમિન્સે પોતાની બોલિંગથી દમદાર પ્રદર્શન કર્યું.
ICC ની નવી ટેસ્ટ રેન્કિંગમાં સ્ટીવ સ્મિથે પોતાનું પહેલું સ્થાન જાળવી રાખ્યું
વિરાટ કોહલી 903 પોઇન્ટ સાથે બીજા સ્થાન પર
ભારતના બેટ્સમેન ચેતેશ્વર પુજારા ચોથા, અને અજિંક્ય રહાણે સાતમાં સ્થાન પર
સીરિઝની પાંચમી અને અંતિમ ટેસ્ટમાં જોકે ઇંગ્લેન્ડે ઓસ્ટ્રેલિયાને 135 રનોથી હરાવ્યું હતું. આ મેચમાં સ્મિથ 80 અને 23 રનોની ઇનિંગ રમ્યો, જેથી તે (937) પોઇન્ટ સાથે ટોપ પર પહોંચી ગયો છે. ત્યારે ભારતીય ટીમના કેપ્ટન વિરાટ કોહલી 903 પોઇન્ટ સાથે બીજા સ્થાન પર છે. વિરાટ કોહલી સ્મિથથી માત્ર 34 પોઇન્ટ પાછળ છે. જ્યારે ભારતના બેટ્સમેન ચેતેશ્વર પુજારા ચોથા, અને અજિંક્ય રહાણે સાતમાં સ્થાન પર છે.
ઓસ્ટ્રેલિયાના બેટ્સમેન સ્મિથે જ્યારે એશિઝની શરૂઆત કરી હતી, ત્યારે તે 857 પોઇન્ટ સાથે ચોથા સ્થાન પર હતો. સીરિઝ ખતમ થયા બાદ તેના પોઇન્ટ વધીને 937 થયા. એશિઝ સીરિઝની ચાર ટેસ્ટ મેચોમાં સ્મિથે 774 રન બનાવ્યા. બોલિંગની રેન્કિંગની વાત કરીએ તો, કમિન્સે પણ 908 પોઇન્ટની સાથે પ્રથમ સ્થાન હાંસલ કર્યું છે. બીજા સ્થાન પર દક્ષિણ આફ્રિકાનો કેગિસો રબાડા છે જેના 851 પોઇન્ટ છે.
પ્રતિબંધ બાદ વાપસી કરતા વિશ્વકપમાં સારુ પ્રદર્શન કરનાર ઓસ્ટ્રેલિયાનો ડેવિડ વોર્નર 24માં સ્થાન પર આવી ગયો છે. જ્યારે બોલિંગમાં જોશ હેઝલવુડ ટોપ-10થી બહાર થઇ ગયો છે. તે આઠમાંથી 12માં સ્થાન પર પહોંચી ગયો છે. ભારતનો રવીન્દ્ર જાડેજા હવે 11મું સ્થાન હાંસલ કર્યું.