દરોડા / 1277 નંગ, 1,67,000નો દારૂ: મહીસાગરના લુણાવાડામાં SMCએ સપાટો બોલાવતા દોડધામ, લાખોનો મુદ્દામાલ જપ્ત

• મહીસાગરના લુણાવાડામાં SMCના દરોડા
• કુલ 1,67,000 રૂપિયાનો પકડાયો વિદેશી દારૂ 
• દારૂ સહિત કુલ 55 લાખ નો મુદ્દામાલ જપ્ત

ગુજરાતમાં દારૂબંધી હોવા છતા અનેક વાર દારૂની રેમલછેલ જોવા મળે છે આગામી દિવસોમાં 31 ડિસેમ્બર અને નવા વર્ષની ઉજવણી પહેલા બૂટલેગરો સક્રિયા થયા છે 31 ડિસેમ્બને યાદગાર બનાવવા ડીજેના તાલે ઝૂમી તેમજ દારૂની રેમલછેલ કરતા લોકોને લઈને પોલીસ પહેલાથી જ અલર્ટ બની ગઈ છે તો બીજી તરફ ગુજરાતમાં દારુ ઘૂસાડવા માટે પણ બૂટલેગરો પણ અવનવી તરકીબો અજમાવતા જોવા મળે છે ત્યારે આજે મહીસાગરના લુણાવાડામાં SMCના દરોડા પાડ્યાં છે અને 1,67,000 રૂપિયાનો વિદેશી દારૂ ઝડપી પાડ્યો છે. 

મહીસાગરના લુણાવાડામાં SMCના દરોડા
મહીસાગરના લુણાવાડામાં SMCના દરોડા પાડ્યા છે. સ્ટેટ મોનીટરીંગ સેલની લુણાવાડામાં મોટી કાર્યવાહી સામે આવી છે. લુણાવાડાના વિરણીયા ગામમાંથી પકડાયો વિદેશી દારૂ ઝડપાયો છે. 1277 નંગ અલગ અલગ બ્રાન્ડનો કુલ 1,67,000 રૂપિયાનો વિદેશી દારૂ પકડાયો છે. દારૂ સહિત કુલ 55 લાખ રૂપિયાનો મુદ્દામાલ પોલીસ જપ્ત કર્યો છે.

પોલીસે બે આરોપીની ધરપકડ કરી
સ્ટેટ મોનીટરીંગ સેલની લુણાવાડામાં મોટી કાર્યવાહી કરી છે. લુણાવાડાના વિરણીયા ગામમાંથી વિદેશી દારૂની 1277 નંગ ઝડપી પાડી છે. કુલ 53 લાખ રૂપિયા જેટલી રોકડ રકમ મળતા ITને પણ જાણ કરાઈ છે.  દારૂ સહિત કુલ 55 લાખનો મુદ્દામાલ જપ્ત કરાયો છે. પોલીસે કપિલા ચૌહાણ અને ખુમાનસિંહ ચૌહાણની ધરપકડ કરી છે. પોલીસે ગુનો નોંધી આગળની તપાસ હાથ ધરી છે.