બિલ ગેટ્સે એવી ભવિષ્યવાણી કરી છે કે આવનાર સમયમાં સ્માર્ટ ફોન્સ ગાયબ થઇ જશે અને તેની જગ્યા ઈલેક્ટ્રોનિક ટેટૂઝ લઇ લેશે.
ભવિષ્યમાં સ્માર્ટફોન્સ થઇ જશે ગાયબ
બિલ ગેટ્સે કરી ભવિષ્યવાણી
સ્માર્ટફોન્સની જગ્યા ઈલેક્ટ્રોનિક ટેટૂઝ લઇ લેશે
ભવિષ્યમાં સ્માર્ટફોન્સ થઇ જશે ગાયબ
સ્માર્ટફોન ઇન્ડસ્ટ્રી ઝડપથી વિકસિત થઇ રહી છે. માત્ર થોડા વર્ષોનાં સફરમાં સ્માર્ટફોન્સે કેમેરા, ડિસ્પ્લે અને ચાર્જીંગનાં મામલામાં અમુક એવી સિદ્ધિઓ મેળવી છે, જેની માત્ર કલ્પના જ થતી હતી. વાત પછી અન્ડર ડિસ્પ્લે કેમેરાની હોય કે પછી મીનીટોમાં ફોન ચાર્જ કરવાની.
તેનો આગળનો પડાવ શું હશે તેની પણ વિચારણા ચાલી રહી છે. નિષ્ણાંતો માને છે કે ભવિષ્યમાં સ્માર્ટફોન એટલા વિકસિત થશે કે તે અદૃશ્ય થઈ જશે. આ વર્ષની શરૂઆતમાં, માઈક્રોસોફ્ટના સ્થાપક બિલ ગેટ્સે એક એવી ટેકનીક વિશે અનુમાન લગાવ્યું હતું જે સ્માર્ટફોનને બદલી શકે છે. તેમનું માનવું છે કે Electronic Tattoos ભવિષ્યમાં સ્માર્ટ ફોન્સને રિપ્લેસ કરી શકે છે.
શું છે બિલ ગેટ્સની કલ્પના?
તમે ઘણી સાઈફાઈ ફિલ્મોમાં આ પ્રકારના ટેટૂઝને જોયા હશે. ટેટૂ નહીં તો ચીપ જોઈ હશે, જેને શરીરમાં ઇમ્પ્લાન્ટ કરવામાં આવે છે. આ પણ કંઈ આવું જ છે. આનો ઉપયોગ કરીને તમે સ્માર્ટફોન પોતાના શરીરમાં ઇન્ટીગ્રેટ કરી શકો છો. બિલ ગેટ્સનું માનવું છે કે ભવિષ્યમાં ઈલેક્ટ્રોનિક ટેટૂઝ સ્માર્ટફોન્સને રિપ્લેસ કરશે.
તેમની આ કલ્પના Chaotic Moon નાં ટેટૂઝનાં આધાર પર કરવામાં આવી છે. આ કંપની બાયોટેકનોલોજી પર બેસ્ડ ટેટૂઝ બનાવે છે, જે તમારા શરીરથી જાણકારી ભેગી કરે છે. હાલમાં આનો ઉપયોગ sports અને મેડીકલ લાઈનમાં થાય છે.
ઈલેક્ટ્રોનિક ટેટૂઝ અત્યારે પણ ડેવલપમેન્ટ ફેઝમાં છે. ધારણાઓ છે કે ભવિષ્યમાં તેને એટલા વિકસિત કરવામાં આવશે કે લોકોને અલગથી સ્માર્ટફોન ખરીદવાની જરૂર નહીં પડે. આવી કલ્પના બીજા એક્સપર્ટસ પણ કરી રહ્યા છે.
નોકિયાનાં CEO પણ કરી ચુક્યા છે ભવિષ્યવાણી
નોકિયાનાં CEO Pekka Lundmarkએ પણ આવી જ ભવિષ્યવાણી કરી હતી. તેમણે આ વર્ષે થયેલા વર્લ્ડ ઇકોનોમિક ફોરમમાં આ જાણકારી આપી હતી. Pekka Lundmarkએ કહ્યું હતું કે વર્ષ 2030 સુધીમાં 6G ટેકનોલોજી શરુ થઇ જશે, પણ તે સમય સુધીમાં સ્માર્ટફોન 'કોમન ઇન્ટરફેસ' નહીં હોય.
તેમણે જણાવ્યું કે 6G આવ્યા બાદ સ્માર્ટફોનની તુલનામાં સ્માર્ટ ગ્લાસ કે કોઈ પ્રોડક્ટ યૂઝ થવા લાગશે. તેમની વાત માનીએ તો તે સમયે સ્માર્ટફોન સાથે જોડાયેલ ઘણી વસ્તુઓ આપણા શરીરમાં સીધી રીતે મળવા લાગશે.