મોટો ઝટકો / મોંઘા થઈ જશે સ્માર્ટફોન, નવો મોબાઈલ લેવાનું વિચારી રહ્યા હોવ તો ફટાફટ ખરીદી લેજો

• સ્માર્ટફોન ખરીદવાની તૈયારી કરી રહેલા લોકોને લાગશે ઝટકો
• આવનારા થોડા મહિનામાં સ્માર્ટફોન થઈ જશે મોંઘા
• આ કારણે આવશે ભાવ વધારો

આજના યુગમાં લગભગ સૌ કોઈની પાસે પોતાના સ્માર્ટફોન હોય છે અને માર્કેટમાં એટલી બ્રાન્ડ્સના સ્માર્ટફોન્સ મળી રહ્યા છે કે, લોકો હવે દર વર્ષે એક નવો સ્માર્ટફોન ખરીદી લે છે. જો આપ પણ નવો સ્માર્ટફોન ખરીદવાનું વિચારી રહ્યા છો, તો ફટાફટ લઈ લેજો, રાહ જોતા નહીં, આવુ એટલા માટે છે કેમ કે, સ્માર્ટફોનની કિંમતમાં બહું મોટો વધારો આવવાનો છે. 

ફટાફટ ખરીદી લેજો ફોન

આપની જાણકારી માટે જણાવી દઈએ કે, હાલમાં જ એક રિપોર્ટ સામે આવ્યા હતો, જેમાં જણાવ્યા અનુસાર સેમસંગ આવનારા મહિનામાં ચિપ પ્રોડક્શન માટે ઉપયોગમાં લેવાતી સર્વિસિઝની કિંમતોમાં વધારો કરવાનું વિચારી રહી છે. કહેવાય છે કે ચિપ પ્રોડક્શનના ઉપયોગમાં લેવાતી સર્વિસની કિંમતમાં 15થી 20 ટકાનો વધારો આવશે.

શા માટે વધી રહ્યા છે સ્માર્ટફોનના ભાવ

જો આપ વિચારી રહ્યા છો કે, સેમસંગના આ પગલાથી સ્માર્ટફોન્સની કિંમત શા માટે વધી રહ્યા છે. તો આવો અમે તેની પાછળનું કારણ જણાવીએ. આપને જણાવી દઈએ કે, મોટા ભાગના સ્માર્ટફોન, ટેબલેટ્સ અને ગેમિંગ કન્સોલમાં આ ચિપ્સનો ઉપયોગ થાય છે અને તેના કારણે અનુમાન લગાવામા આવી રહ્યું છે કે, કિંમતો વધશે.

સેમસંગ શા માટે વધારી રહ્યું છે ચિપ્સની કિંમત

આપને કદાચ ખબર નહીં હોય, સેમસંગ ઘણા સમયથી પોતાની ચિપ્સ પ્રોડક્શનની કિંમતમાં કોઈ વધારો કર્યો નથી. હવે કોવિડ કેસ, મટીરીયલની વધતી કિંમત અને માર્કેટની અસ્થાયી હાલતને જોતા આ બ્રાંડે સેમીકન્ડક્ટર પ્રોગ્રામની કિમંતને વધારી છે અને તેની અસર સ્માર્ટફોન્સની કિંમત પર પણ પડી શકે છે.