Privacy / સ્માર્ટફોન યુઝર્સ માટે જબરદસ્ત ટિપ્સ, આ સેટિંગ કરી લેવાથી એકદમ સેફ થઈ જશે તમારો ડેટા

• આ ટિપ્સ અપનાવી સ્માર્ટફોનમાં ડેટા અને પ્રાઈવેસીને સેફ રાખો
• સામાન્ય સેટિંગથી કોઈ જ ડેટા હેક નહીં કરી શકે
• થર્ડ પાર્ટી એપ્સથી ડેટા ચોરી થવાનો ખતરો થશે દૂર

ઘણાં યુઝર્સ એવા હોય છે જે ફોનમાં બ્રાઉઝિંગ ડેટા અથવા પર્સનલ મીડિયા કોઈ ક્લાઉડ સર્વિસ સાથે શેર કરતા નથી અને ઘણીવાર એન્ડ્રોઈડ ડેટા લીક થવાના કિસ્સા સામે આવ્યા બાદ યુઝર્સની ચિંતા વધી જાય છે. ગ્લોબલી લગભગ 75 ટકા સ્માર્ટફોનમાં એન્ડ્રોઈડ ઓએસ ઉપયોગ કરવામાં આવી છે પરંતુ તેના ઓપન સોર્સ અવેલેબલ હોવાને કારણે ઘણીવાર યુઝર્સના ડેટા સાથે છેડછાડ કરવાની નવી રીત હેકર્સ શોધી લે છે. એન્ડ્રોઈડ સ્માર્ટ ફોનમાં ગૂગલ એપ્સ અને સર્વિસિસ પહેલાં જ ઈન્સ્ટોલ હોય છે અને ગૂગલ સરળતાથી યુઝરના પર્સનલ ડેટાને ટ્રેક કરી શકે છે. આ ડેટાને યુઝરની પસંદ પ્રમાણે એડ દેખાડવા અથવા રેકમેન્ડેશન આપવા માટે ઉપયોગ કરી શકાય છે. આ જ કારણથી માર્કેટિંગ કંપનીઓ યુઝર્સના ડેટા માટે લાખો રૂપિયા ખર્ચ કરવા માટે તૈયાર રહે છે. ઈન્ટરનેટ અને ટેક્નોલોજીના યુગમાં પોતાની પ્રાઈવેસીને પ્રોટેક્ટ કરવા માટે કેટલાક જરૂરી પગલાં લેવા જરૂરી છે અને અહીં જણાવેલી રીત અપનાવી એન્ડ્રોઈડ ફોન્સની પ્રાઈવેસીને વધુ સારી કરી શકાય છે. 

લોકેશન ટ્રેકિંગ અને હિસ્ટ્રી

સ્માર્ટફોનની મદદથી ગૂગલ તમારા લોકેશનને ટ્રેક કરી શકે છે અને થર્ડ પાર્ટી એપ્સ પણ જોઈ શકે છે કે, તમે ક્યાં છો. ગૂગલ એપ્સ અને સર્વિસિસ લગભગ કરોડો યુઝર્સના લોકેશનને ટ્રેક કરે છે. જોકે, તમે સેટિંગમાં જઈ લોકેશન હિસ્ટ્રી ડિસેબલ કરી શકો છો. તેના માટે આ સ્ટેપ્સ ફોલો કરો. 

• સૌથી પહેલાં તમારા કમ્પ્યૂટર અથવા લેપટોપ પર ક્રોમ બ્રાઉઝર ઓપન કરીને ટોપ રાઈટ કોર્નરમાં દેખાતા આઈકન પર ક્લિક કરો. 
• ત્યારબાદ Manage your Google Account ઓપ્શન સિલેક્ટ કરો અને Location Activityને બંધ કરી દો. 
• પછી આમાં Data and Permissions પર જાઓ. હવે Web & App Activity અને Location Activityને બંધ કરી દો.
• આ સેટિંગ કરવા પર ગૂગલ તમારું લોકેશન ટ્રેક નહીં કરી શકે અને થર્ડ પાર્ટી એપ્સ પણ નહીં કરી શકે. 

ફોનમાં આ રીતે કરો બંધ

• સૌથી પહેલાં ફોનમાં સેટિંગ પર જઈ એપ્સની લિસ્ટ ઓપન કરો અને Permission Manager પર ક્લિક કરો. અહીં લોકેશન પર ક્લિક કરો. (લિસ્ટના ટોપ રાઈટ પર દેખાઈ રહેલાં ત્રણ ડોટ્સ પર ટેપ કરીને આ ઓપ્શન દેખાઈ શકે છે.)
• એન્ડ્રોઈડ 10ના યુઝર્સ કેટલીક એપ્સને બ્રેકગ્રાઉન્ડમાં લોકેશન ટ્રેક કરવાથી પણ રોકી શકે છે. 

ગૂગલ બેકઅપ કરો ડિસેબલ

• સર્ચ એન્જિનમાં કંપની બેકઅપ અને રિસ્ટોર સર્વિસ પણ યુઝરને ઓફર કરે છે અને તમે તેને ઈનેબલ અથવા ડિસેબલ કરી શકો છો. તેના માટે આ સ્ટેપ્સ ફોલો કરો.
• ફોનમાં સેટિંગમાં જઈ ગૂગલ અને બેકઅપ પર ક્લિક કરો. 
• અહીં તમારે Backup to Google Drive પર ક્લિક કરી તેને ડિસેબલ કરી દેવું. 
• હવે ગૂગલ ડ્રાઈવ એપ ઓપન કરો અને મેન્યૂ બટન પર ટેપ કરો અને તેમાં Backups option સિલેક્ટ કરો. અહીં તમે અગાઉ સ્ટોર થયેલી બેકઅપ ફાઈલ ડિલીટ કરી શકો છો. 
• આટલી સેટિંગ કર્યા બાદ ગૂગલ તમારા ફોનમાં રહેલાં ડેટા અને બેકઅપ તૈયાર કરી નહીં શકે અને જાણકારી પણ શેર નહીં કરી શકે. 

ગૂગલના એડ ટ્રેકિંગને ડિસેબલ કરો

• એન્ડ્રોઈડના ઓપન સોર્સને કારણે ગૂગલ મોટાભાગની કમાણી એડ્સની મદદથી કરે છે અને આ એડ્સ તમારી એક્ટિવિટીના આધારે દેખાય છે. તમે એડ ટ્રેકિંગને ડિસેબલ કરી શકો છો. જેનાથી ગૂગલ તમારી બ્રાઉઝિંગ અને ઈન્ટરનેટ ટોપિક્સને ટ્રેક ન કરી શકે. તેના માટે આ સ્ટેપ્સ ફોલો કરો. 
• ફોનની સેટિંગમાં જઈ Google અને પછી તેમાં Ads પર જાઓ. અહીં 'Opt-out of ads personalization' પર ટેપ કરી ડિસેબલ કરી શકાય છે.