અભેદ્ય / હંમેશા PM મોદીના કાફલામાં સામેલ હોય છે આ કાર, અંદર હોય છે એવું ડિવાઇસ કે સુરક્ષા માટેનું 'બ્રહ્માસ્ત્ર' કહી શકાય

• પ્રધાનમંત્રી અને મુખ્યમંત્રીઓના કાફલામાં એક ખાસ કાર 
• કારની અંદર હોય છે એવું ડિવાઇસ કે આસપાસનાં ફોનમાં નથી આવતા સિગ્નલ 
• ઘરે પણ કરી શકે છે તેનો ઉપયોગ 

પ્રધાનમંત્રી નરેન્દ્ર મોદીની સુરક્ષાને લઈને એજન્સીઓને અલગ જ પડકારો આવે છે, પ્રધાનમંત્રી ઘણીવાર લોકોની વચ્ચે જતાં રહે છે જે સીધે સીધું પ્રોટોકોલનો ભંગ છે. જોકે તેમની સુરક્ષામાં કોઈ કસર છોડવામાં આવતી નથી અને દેશના સૌથી ખાસ ટોપ કમાન્ડો તેમની સાથે જ રહે છે. 

રાજેનતાઓના કાફલામાં હોય છે આ ખાસ ડિવાઇસ 
જો તમે પણ કોઈ મોટી રેલી કે જનસભામાં ગયા હશો તો તમને પણ અનુભવ થયો હશે કે જો તમે મોટા રાજનેતાનાં કાફલાની નજીક પહોંચો, સ્માર્ટફોનનાં સિગ્નલ નથી આવતા. લોકોને થાય છે કે આ સમસ્યા કોઈ ટેકનિકલ ખામીના કારણે હોય શકે છે પરંતુ આવું નથી. 

કાફલાની નજીક જતાં જ મોબાઈલ થઈ જશે જામ 
મોબાઈલ ફોનનાં કારણે રાજનેતાઓની સુરક્ષાને લઈને ખતરો ઊભો થાય છે અને તેનો ખોટો ઉપયોગ થઈ શકે છે. એવામાં સુરક્ષા એજન્સીઓ એવું ડિવાઇસ લગાવે છે જેથી રાજેનતા જ્યારે ગાડીમાં હોય તો આસપાસનાં લોકો ફોન વાપરી શકે નહીં. 

સ્માર્ટફોન જામર 
જે નેતા કે વ્યક્તિની સુરક્ષા વધારવામાં આવી હોય તેના વાહનમાં આ પ્રકારનું ડિવાઇસ લગાવવામાં આવે છે. કાફલાની એક મોટી કારની અંદર આ ડિવાઇસને ફીટ કરવામાં આવે છે, સ્માર્ટફોનનાં ખાસ જામર પણ તેમાં જ લગાવવામાં આવે છે. જેથી આ કારની આસપાસનાં તમામ લોકોના ફોનનાં સિગ્નલ જામ થઈ જાય છે. જેથી જે તે વ્યક્તિ સંવાદ કે સંચાર કરી શકતો નથી. પ્રધાનમંત્રી નરેન્દ્ર મોદી પણ જ્યાં જાય છે ત્યાં આ જામરની કાર પણ તેમની સાથે જ ચાલે છે.

સામાન્યપણે પ્રધાનમંત્રી, મુખ્યમંત્રી જેવા મોટા નેતાઓનાં કાફલામાં આ કાર જોવા મલે છે. સુરક્ષાકારણોસર આ કારનો ઉપયોગ કરવામાં આવે છે.